NPP Candidate la chianglo

National People Party (NPP) chuan Assembly inthlanpuiah Assembly bial 6 chuh an tum thu sawiin, Serchhip Bial-ah Kapliana Pachuau chu a ding dawn tih sawi mah se Kapliana Pachuau erawh chuan thutlukna mumal tak siam ala nih loh thu a sawi thung.
Lok Sabha Speaker hlui, PA. Sangma din, NPP Mizoram hruaitute hian niminpiah khan Lunglei Press Club-ah an President leh Central YMA President hlui, Lianzuala hova thuthar thehdarhtute kawmin kum 2023 Inthlan lo awm tur chu an tinzawn a nih thu leh chumi hunah chuan bial 40-ah din vek a, Sawrkar-na siam ngei pawh an tum tih a sawi a, kumin a Assembly inthlanpui lo awm turah hian bial 6 chuh an tum thu hi sawiin, heng te hi Tuirial, Serlui, Hachhek, Mamit, Dampa leh Serchhip bial te a nih thu hi sawiin, Serchhip Bial-ah Kapliana Pachuau chu a din dawn thu an sawi a, CADC area a Candidate siam leh siam loh chu Party dang zai ngai a an awm dawn thu an sawi bawk.
Hetihlai hian nimin khan LENKAWL Palai chuan Kapliana Pachuau hi kawmin Ser-chhip Bial-a ding tura sawi a nih chungchang hi a zawtfiah a. Serchhip District ZPM Steering Committee Secretary General a\anga banna a thehluh hnuah Party hrang hrangte chuan an sawm \heuh tih sawiin Kapliana Pachuau chuan, hetiang bawk hian NPP pawh hian an sawm thu leh inbiakna neiin thutlukna erawh ala siam loh thu leh Aw leh Aih-a chhanna ala pekloh thu a sawi a. Tunkar chho hian inbiakna pawh an neih leh a beisei thu a sawi bawk.
Mizoram NPP President chuan NPP din \an dan leh kalphung sawiin, India ramah Tribal te hmusitna a bo theih nan leh Tribal an parchhuah theih nan PA. Sangma chuan he Party hi a din a ni, a ti a. Hmarchhak bial state hrang hranga Tribal zawng zawng te chu insuihkhawm a, Parliament-ah pawh awmze nei zawk a an awm theih nan a hmalak an tum tih a sawi bawk.

Popular posts from this blog

PAN CARD an tih teh fo hi - Laldinpuia