Serchhip District chhunga Vote tla te chhiar turin inbuatsaihna kalpui mek zel a ni

Mizoram State Legislative Assembly inthlanpui neiha Serchhip District-a vote tla te chhiar turin inbuatsaihna ngawrh taka kalpui mek a ni a. Serchhip District chhung Assembly bial pathum-a MLA inthlanpui-a Vote tla te chhiar tura ruat te tan nimin khan Serchhip DC’s Conference Hall-ah Training neih a ni.

Thla kalta Nov. 28-a Mizoram State Legislative Assembly inthlanpui neiha Vote thlakna khawl, EVM leh VVPAT te chu Serchhip DC Office-a Strong Room hrang hrangah Central Armed Police Force (CAPF) te venhimna hnuaiah dah mek a ni a, he inthlanna a Vote tla te chhiar tur hian Serchhip District-ah inbuatsaihna chak taka kalpui mek a ni bawk. Ruahman lawk ang chuan tun \um Assembly inthlanpuia Vote tla te chhiarna atan hian Counting Hall pathum (3) ruahman niin Assembly bial tina vote tla te chu a hrang \heuha chhiar a ni dawn a, hei vang hian hundang aiin Vote tla te pawh hi chhiar zawh hma beisei a ni. Ruahman lawk ang chuan 26-Serchhip (ST) AC-a vote tla te chu DC Office General Room-a Counting Hall siam, Counting Hall No-I ah chhiar tur niin hetah hian Polling Station 23-a Vote tla te chhiarna atan Counting Table 8 dahin Round 3-ah vote tla te hi chhiar zawh theih a ni anga. 27-Tuikum (ST) AC-a vote tla te chu Serchhip DC’s Conference Hall-a Counting Hall siam, Counting Hall No-II ah chhiar tur a ni anga, he Counting Hall-ah hian Polling Station 29-a a vote tla te chhiarna turin Table 10 dah a ni anga, hetah pawh hian Round 3-ah Vote tla hi chhiar zawh hman tura ruahman a ni. 28-Hrangturzo (ST) AC-a Vote tla te chhiarna turin Serchhip DC Office-a Conference Hall sak thar ah Counting Hall siam thar niin Counting Hall No-III a ni anga, hetah hian he bial-a Polling Station 25-a Vote tla te chhiarna turin Countingg Table 9 dah a ni anga, hetah pawh hian Round 3-ah Vote tla hi chhiar zawh a ni bawk ang.
He inthlanna a Vote tla te chhiar tura ruat te tan nimin khan Serchhip DC’s Conference Hall-ah training neih a ni a, he hun hi Ser-chhip SDO (Sadar), R. Vanrengpuia chuan kaihruaiin zirtirna a pe a, chawhma lamah Counting Assistant mi 45 leh Counting Supervisor mi 45 te tan training hi neih niin chawhnu lamah Micro Observer tura ruatchhuah mi 39 te tan training hi neih leh a ni bawk.
Nimin training-ah hian R. Vanrengpuiia chuan Inthlanpui chu a buaipui chhung rei mah se tunah hian zawhfel a ni \ep tawh tih sawiin, tunah chuan Vote chhiar chu hmabak lian ber a nih tawh thu a sawi a. Inthlanna a vote tla chhiar chu thil harsa leh hautak a nih loh thu sawiin, amaherawh chu fimkhur erawh a ngai tih a sawi a. Counting Hall hrang hranga duty tur Counting Staff te chu tunkar ah Randomization Software hmanga thliar fel an nih tur thu leh an chhiarna tur dawhkan tak erawh chu vote chhiar ni, tun thla ni 11 zing dar 5:00 ah randomization software hmang bawka tih fel chian an ni chauh dawn tih sawiin, Vote chhiar turte tana hriattur pawi-mawh hrang hrang a sawilang bawk.
He training-ah hian EVM-a vote tlate chhiar dan tur hi a lem nena entirin training neih pui an ni a. EVM Control Unit leh VVPAT te hmangin a takin vote tla hi chhiar chhin a ni bawk a. Legal Provision Rule 66A of the Conduct of Election Rules, 1961 hmangin he inthlanna a EVM-a vote tla hi chhiar tur a ni ang a. Rule 54A of the Conduct of Election Rules, 1961hmangin Postal Ballot te chu chhiar a ni thung dawn a ni.
Assembly inthlanna a Vote chhiarna ah hian Postal Ballot chhiar hmasak tur a ni dawn a, Postal Ballot chhiar \an a\anga minute 30 hnuah EVM-a vote tla te hi chhiar \an theih a ni ang. EVM-a vote tla te chhiar zawh a nih hian District chhung Assembly Constituency pakhat hnuaia Polling Station pakhat, khawl hmanga thlan-chhuah-a VVPAT hman-a Paper Slip chu chhiar leh a ni dawn bawk a ni.

Popular posts from this blog

PAN CARD an tih teh fo hi - Laldinpuia