Swachh Survekshan-2019 ah khawpui fai zawk nih theih dan tur Serchhip-ah sawiho a ni

Serchhip District Urban Development Officer (DUDO), Vanthangpuii chuan India hmarchhak-a khawpui fai inelna, Swachh Survekshan-2019 neih mekah Serchhip in lawmman \ha zawk a lak theih nan hmalak mek a nih thu sawiin, Serchhip mipuite pawhin faina chungchanga an hmalakna chu chhunzawm zel se a duh thu a sawi bawk.

Swachh Survekshan-2019 hnuaia India hmarchhak State hrang hranga khawpui fai inelna hi neih leh mek niin hemi chungchangah hian nimin chhun khan UD&PA Department-a District Urban Development Officer, Vanthangpuii chuan tualchhung thuthar thehdarhtute a Office-a leng ah sawmin hmalakna tur hrang hrang a sawipui a. He hunah hian Serchhip DUDO chuan nikum-a Swachh Survekshan-ah khan Serchhip chuan hmarchhak bial-a khawpui 220 zingah 23-na lawmman a dawn thu sawiin, kumin ah hian lawmman \ha zawk dawng thei tura hma an lak mek thu a sawi a. Nikum a Mizoram khawpui fai inelna ah Serchhip chuan lawmman 6-na dawngin kumin ah chuan 2-na a nih tak thu pawh sawiin, hetiang hi kan dinhmun a nih avangin tuna Swachh Survekshan-2019 ah pawh hian lawmman \ha zawk dawng thei kan nih thu a sawi a. He hmalakna hi mipuite pawhin lo thlawpin theihtawp lo chhuah se a duh thu leh khawpui fai kan nih anga hmalak zui zel a pawimawh thu a sawi bawk.
He hunah hian Grace Lalrinfeli, Manager, DAY-NLUM Serchhip chuan Swachh Survekshan-2019 chungchang hi sawizauin he inelna ah hian kawng chi 4 hlawm lian tak tak \hen a nih thu leh chi hnih (2) chu mipui chanvo leh chi hnih dang chu Department lem bawhzui tur a nih thu a sawi a. Mipui chan zingah hian khawpui chhung faina leh an hmalakna mipui hriat ve chu thil pawimawh a nh thu sawiin, a endiktute hian khawpui chhung fangin an mi hmuh remchan te zawhna zawtin an hmalakna te an zawhfiah \hin thu leh hei vang hian mipuite pawhin an hmalakna chu hriatpui se an duh thu a sawi a. Smart Phone hmang te pawhin ‘Swachhata-MoHUA’ application chu download in hetah hian an hmalakna an hriatpuina te pawh lo aupui ve se an duh thu leh mipui zirtirna te pawh an theih ang anga an kalpui mek thu a sawi bawk.
He hunah hian Serchhip khawpui faina chungchanga hmalak zuina tura pawimawh nia an hriat hrang hrangte pawh sawiho zui niin ran khuahkhirh chungchanga hmalak dan tur te, khawpui chhunga sa talh ngaimawhawm an tih thu te, bawlhhlawh paih chungchangah tun aia fimkhur a \ulna nia an hriat te leh tuihawk luan-kawrh kan neih te enkawl \hat a \ul thu te sawiho a ni a. Serchhip khawpui chhunga vantlang hmun leh punkhawm neihna \hin ah bawlhhlawh hmuh tur tam lutuk chu ngaihmawhawm an tih thu pawh he hunah hian sawilan a ni bawk.

Popular posts from this blog

PAN CARD an tih teh fo hi - Laldinpuia