L&L Football S/F khel zo

SDFA buatsaih L&L Football Tournament khelh mekah nimin khan Semi Final khelh zawh niin New Serchhip FC leh Chhekhnai FC ten Final an khel ang.
Serchhip Sports Complex-a L&L Football Tournament khelh mekah hian nimin khan Semi Final khelh a ni a, inkhel hmasa zawkah New Serchhip FC chuan Vengchung FC chu 2-1 a hnehin Final an lut a, New Serchhip FC tan Lalremruata (Arapa) leh Lalhlimawma ten goal an khung a, Vengchung FC goal awmchhun hi C. Lalsawmkima khung a ni.
Semi Final hnuhnung zawkah Chhekhnai FC chuan New Serchhip North FC chu 3-1 a hnehin Final an lut bawk a, Chhekhnai FC tan Zonunpuia, Lal\anpuia leh Stephen Lalnunmawia ten goal khungin New Serchhip FC goal awm-chhun hi Joseph Lalmuanawma khung a ni a. Heti hian New Serchhip FC leh Chhekhnai FC te hian karleh Thawh\anni khian Final an khel ang.

Popular posts from this blog

PAN CARD an tih teh fo hi - Laldinpuia