Serchhip District chhunga RBD te tan ni 2 awh Annual Training neih a ni

Serchhip District chhung khaw hrang hrang Registrar of Birth & Death te tana Annual Training tunkar Thawh\anni a\anga District Research Office Conference Hall, Serchhip-a neih chu nimin khan chhunzawm leha zawhfel a ni.
Registrar of Births and Deaths te tana Annual Training nimin a neih hi Lalthangmawia Inspector of Statistics chuan kaihruaiin C. Laithanruala, District Reasearch Officer, Serchhip District chuan piang leh thi chhinchhiah (Register) hna thawktu te mawhphurhna chu a pawimawh thu leh Birth & Death Certificate pekchhuah kawngah te dik tak leh fimkhur taka hnathawk turin he huna kalkhawmte chu a chah a ni. He Training ah hian 'Civil Registration System of Birth & Death in Mizoram' tih thupuia hmangin sawrkar in dan leh hrai leh ruahmanna felfai tak hnuaia khawtin a piang leh thi chhinchhiah dan tur te leh Birth & Death Registrar hna thawktute hriattur pawimawh hrang hrangte Sappari, Inspector of Statistics, Directorate of Registrar Births & Deaths in zirtirin zawhna leh chhanna leh sawiho hun hmanho anih bakah Serchhip District chhung khaw hrang hranga kum 15 chhung Registrar of Births & Deaths hna lo thawk tawh mi 14 te hnenah Chawimawina Certificate hlan an ni bawk.
Registration of Births & Deaths Act hi kum 1969-a siam niin, State tam zawkah chuan April 1, 1970 a\angin kalpui \an a lo ni tawh a, Mizoram-ah chuan July 1, 1985 a\anga hman \an niin he Dan zulzui hian Mizoram bikah chuan 1978 khan Rules duan ve a ni a, tuna kan Rule hman lai hi kum 2007 a Legistate niin tunah chuan 'The Registration of Birth &Death (Ammendment) Rules 2007' hnuaiah kalpui mek a lo ni ta a ni. A \an tir July, 1985-ah Aizawl leh Lunglei-ah bul \an chhin niin kum 1986-ah Siaha-ah bul \an leh a ni a, Kum 2000-ah chuan Mizoram-a District zawng zawngah kalpui niin, Unit 677 a awm nghal a, kum 2018-ah chuan Mizoram pumah Unit 847 a awm tawh a ni.
India rama Census kalpui ah hian a lu ber chu Ministry of Home Affairs hnuaia Registrar General of India/Commissioner niin, State Level-ah chuan Economics & Statistics chu Nodal Department te niin a lu berah Chief Registrar/Secretary, Planning Department an ni a, an hnuaiah hian Joint Chief Registrar/Director Cencus Operation, Mizoram leh Addl .Chief Registrar/Director, Economics & Statistics Department niin a taka enkawltu chu Addl. Chief Registrar/Director Economics & Statistics niin Joint Registrar hi chuan Ministry nena inkarah palai hna a thawk thung a ni. District tinah District Registrar/Deputy Commissioner chu a lu ber niin a hnuaia a taka enkawltute chu Asst. District Registrar/District Research Officer, Economics & Statistics Department te anni a, Village Level-ah khawtin a Registrars of Births & Deaths te awmin Medical Institution/Hospital-ah te Registrar an awm bawk a ni.

Popular posts from this blog

PAN CARD an tih teh fo hi - Laldinpuia