ZPM CM Candidate in inthlanpui ah hnehna chan beiseiin Seat 26 lak tlin a inrin thu a sawi

ZPM Chief Ministerial Candidate, Lalduhoma chuan tun thla ni 11-a Assemly inthlanpui result puan turah ZPM chuan hnehna a chan ngei a beisei thu sawiin, Seat 26 an lak tlin a rin thu a sawi.
Nimin a Aizawl ZPM Office-a Chhung Inkhawm neih ah Lalduhoma hian thu sawiin tun inthlanpuiah khan kalphungthar engemaw zat awm mahse ramhlui zia nena inthlan hmachhawn a la tam thu sawiin, sum leh pai chelek an la tam hle nia a hriat thu a sawi. Congress chu ruling party an nih anga sum lama an huphurhawm thu leh MNF chu a bet rei zawk a nih avangin sum leh pai an neih a rin loh thu a sawi a. NDA-ah leh NEDA-ah nghet taka an la inchhunluh reng avanga sum leh pai hi ngah an ni thei ang em tih chu zawhna lian tak a ni tih sawiin, “ZPM chuan hmun tam takah ran te talhin sachek te an zuar a, chungte chu kan sum hnar \henkhat a ni,” a ti a. Bial hrang hranga Campaign Fund hman bang awm ang ang chu candidate-te hnenah thehluh sup sup a ni chu thil thar, Kalphung thar in a ken tel nia sawiin, “ZPM innghahna hla chuam, ‘Kan ram leh hnam chhan tur hian sum leh pai, hauhsakna a ngai love’ tih chu a takin kan hmu a, a lawmawm tak zet a ni,” a ti bawk.
Lalduhoma chuan hmun tam taka Polling Booth-ah party mi leh sa tam tak duty an awm thu sawiin, “Chungte chuan Voters te lo bekbawr in an lo kaihkuah \hin a, hei hi bansan a hun takzet. Last minute-a zei em em party Worker te pawhin an thiam thil hi theinghilh se a duhawm hle a ni,” a ti a. Campaign Office-ah zu rui chunga party hla ring tak taka play te pawh bansan \ha a tih thu a sawi bawk.
ZPM Chief Minsterial Candidate chuan Inthlan zawhah pawl dangte ang lo takin ZPM chu an hlimin an phur tual tual tih sawiin, “Nikum ah Thlarau thianghlim changsang \henkhat chuan party hrang hrangte flag khawnkhawmin Aizawl khawpuiah an hal a. Sawrkarna la chang ve lo keini ZNP te Flag hal a ni ve kha kan ngaithiam lo viau a. Tun \um inthlan ah hian ZPM te Flag chauh hi hal a ni ve ta lo a, mitin huapzo leh mipuite Movement hmanga sawrkar siam hi Pathian thil tum leh duh dan a lo nih zawk a rinawm. A mala ZNP ten sawrkarna siam kan lo tum \hin kha Pathian in rem a lo ti lo a nih ka ring,” a ti bawk.
ZPM kal zel dan tur chungchangah ZPM Chief Ministerial Candidate chuan a rang thei ang bera ZPM Constitution siam\hat a \ul thu leh Election Commission of India-ah registration buaipui leh thuai ni se a duh thu a sawi a. “Lungrual leh inpawhtlang taka kan kalho zel hi he ram leh hnam tan a pawimawh takzet a, nihna leh sum leh paia buai tur kan ni lo. Party dang a\anga min rawn zawm tharte pawhin an pawl tihdan, kalphung hlui zia rawn chhawmlut lo turin kan chah lawk duh a ni,” a ti bawk.

Popular posts from this blog

PAN CARD an tih teh fo hi - Laldinpuia