Mizoram Assembly 8-na atan Zoramthanga kaihhruai MNF sawrkar thar lakluh a ni ta

Inrinni kalta khan Zoramthanga kaihhruai MNF sawrkar chu lakluh a ni ta a. Mizoram Larsap chuan Chief Minister atan MNF President, Zoramthanga bakah Council of Minister atan mi 11 te rinawmna thu tiam tirin a lalut a. Mizoram sawrkar-ah Cabinet Minister 6 leh Minister of State 6 an awm dawn a ni.

Mizoram sawrkar thar lakluhna inkhawm hi Mizoram Governor chenna, Raj Bhavan Circular Lawn-ah neih niin Chief Secretary, Arvind Ray chuan a kaihruai a, chhun dar 12:00-ah Larsap hian Sawrkar thar lakluhna tur hmun hi thlengin National Anthem sak a nih hnuah Mizoram Kohhran Hruaitute Committee (MKHC) Chairman, Rev. R. Lalhmingthanga chuan Bible chhiarin \awng\aina hun a hmang a. Hemi hnu hian Mizoram Chief Secretary, Arvind Ray chuan Chief Minister atana Zoramthanga ruatna thu chhiarchhuakin hemi hnu hian Larsap, Kummanam Rajasekharan chuan Chief Minister atan Zoramthanga chu rinawmna thu tiam tirin Mizoram Chief Minister atan a lalut zui a ni. MNF President ni bawk, Zoramthanga hi kum 1998 leh kum 2003 khan Chief Minister atan hian lakluh a lo ni tawh a, Assembly inthlanpui hnuhnung berah khan Aizawl East-I bial a\angin MLA atan thlantlin a ni a, a kaihhhruai MNF Party chuan MLA Seat 40-ah seat 26 lain Party mal-a sawrkar siam thei dinhmun ah an ding a, MNF Legislature Party Leader atana thlan zui niin he hunah hian a \um thumna atan Chief Minister atan lakluh a ni leh ta a ni.
Chief Minister atana Zoramthanga lakluh a nih hnu hian Chief Minister in rawtna a siam angin Council of Minister atan mi 11 te chu rinawmna thu tiam tirin lakluh zui nghal an ni a, Council of Minister atana lakluh thar zingah hian Deputy Chief Minister atan Tuichang bial a\anga MLA atana thlantlin Tawnluia chu lakluh niin Cabinet Minister atan South Tuipui bial a\anga MLA atana thlantlin Dr. R. Lalthangliana, Hrang-turzo bial a\anga MLA atana thlantlin Lalchamliana, |awi bial a\anga MLA atana thlantlin R. Lalzirliana leh Lunglei West Bial a\anga thlantlin C. Lalrinsanga te lakluh an ni.
Minister of State (MoS) atan mi 6 lakluh te hi Kolasib bialtu MLA, K. Lalrinliana, Tuivawl bialtu MLA Lalchhandama Ralte, Aizawl West-II Bialtu MLA Lalruatkima, Siaha bialtu MLA Dr. K. Beichhua, Champhai South bialtu MLA TJ. Lalnuntluanga leh Aizawl East-II bialtu MLA, Robert Romawia Royte te chu lakluh zui an ni ve leh bawk.Tun \uma Cabinet Minister lakluh zing ami, R. Lalzirliana hi Mizo-ram State sawrkar-a a zawna \um thum Cabinet Minister ni thei hmasa ber a ni ta bawk.
Mizoram sawrkar thar lakluhna inkhawm ah hian sawrkar mi pawimawh tak tak telin Chief Minister kalchhuak ta, Lal Thanhawla te pawh an nupa in an tel a. State pawn a\angin Meghalaya Chief Minister, Conrad K. Sangma, Keshab Mahanta, Mi-nister, Water Resources, Prafulla Kumar Mahanta, MLA te, Assam Chief Minister hlui te, MLA atana thlan thar te, Head of Administration chin official te, Minister te nupui leh fanaute leh sawmbik te an tel a ni

Popular posts from this blog

PAN CARD an tih teh fo hi - Laldinpuia