Tripura Relief Camp-a Vote thlak phalsak tura MBDPF in ECI a ngenna chhan ala ni lo

Mizoram Bru Displaced Peoples' Forum (MBDPF) chuan Mizoram Assembly inthlanpui neih turah Tripura Relief Camp-a Vote thlak phalsak turin Election Commission of India hnenah ngenna thlenin chhanna erawh an la hmulo thung a. Ministry of Home Affairs-a Adviser (Bru) chuan Relief Camp-a awm te chu hruaikir tura inring turin a hriattir bawk.

Mizoram Bru Displaced Peoples' Forum (MBDPF) President, A Sawibunga chuan Mizoram inthlanpui neih turah Tripura Relief Camp chhunga vote thlak phalsak tura Election Commission of India an ngen thu hi tunhnai khan sawiin, chhanna erawh an la hmuh loh thu a sawi a. Hemi chungchang ah hian tun thla ni 16 khan Chief Election Commissioner leh Mizoram Chief Electoral Officer te hnenah lehkha thawnin, Tripura Relief Camp-ah Mizoram-a vote nei mi 11,232 an awm thu leh an zingah hmeichhia leh kum upa tam tak an awm avangin Mizoram-a vote thlak tura kal an tan a harsat thu an thlen thu hi a sawi a. Tunhnaia Bru-te Roll Revision lehkha pawimawh a bo thu pawh sawi langin, an tan Mizoram chhungah thlamuang taka vote thlak theih an inrin loh thu leh Relief Camp chhungah Polling Booth siam mai turin CEC leh CEO te chu an ngen thu a sawi.
Tunhnaia Mizoram tlawhtu ECI-a Chief Election Commissioner chuan October 17 (Nilaini)-a Aizawl-a Press Conference a neih \um khan 2014-a a intiam tawh angin Bru-te chu Relief Camp-ah ni lovin Mizoram chhungah vote thlaktir an ni dawn em tih journalist-te zawhna chu chiang takin CEC hian a chhang lova. Intiamna leh ram Danpuiin vote nei zawng zawngin vote an thlak theih nana inpuahchah tura a tih angin hma a lak tur thu chauhin a chhang a ni.
MBDPF President, A. Sawibunga chuan Ministry of Home Affairs chuan a lo sawi lawk tawh angin repatriation hnuhnung ber zawh hnu, October 1, 2018 a\ang khan Tripura-a Relief Camp te chu khar in a chhunga chengte chhawmdawlna dawn \hin tihtawp a ni tih pawh sawiin, chhawm-dawlna hi pe chhunzawm tura dilna an thlen thu pawh a sawi a, hei hi MHA Adviser chuan chhangin chhawmdawlna pek leh mai an inbeisei thu sawiin, amaherawh chu tiamchin awm lova chhunzawm ni lovin Ration pek leh an nih pawhin \um khat thil chauh a nih tur thu leh Mizoram-a lalet tura inring tura hriattir tura a tih thu a sawi a. Lehkha pawi-mawh zawng zawngte pawh siamfel hman tur a nih thu a sawi niin a sawi bawk.

Popular posts from this blog

PAN CARD an tih teh fo hi - Laldinpuia