MNF MLA Candidate-te infuihna, thuchah leh intiamna hun Hnam Run-ah hman a ni

Nimin khan Aizawl-a Mizo Hnam Run Meeting Hall-ah MNF Election Campaign Directorate, 2018 buatsaihin 'Kum 2018 MNF MLA Candidate zawng zawngte infuihna, thuchah leh intiamna' neih a ni.
'Kum 2018 MNF MLA Candidate zawng zawngte infuihna, thuchah leh intiamna' hunah hian MNF President, Zoramthanga chuan hetiang hun an hmang thei chu lawmawm a tih thu sawiin, “Pathian leh mipui zarah kan sawrkar ngei kan ring a, sawrkar Zu zawrh hi theih-tawpin kan khap nghal ang. Local Zu zuarte tan an Zu zawrh tihtawpna turin eizawnna dang \ha tak kan siam sak anga. Zu leh Drug-in a tihbuaite chu a enkawl damna tur Se\hawn-ah lian takin kan din anga, Kohhran, NGO leh Doctor-te nen \ang hovin a tihdamna leh enkawlna \ha tak kan din dawn,” a ti a. Hei bakah hian khawchhak lam a\anga Drug supply \hinte danna \ha tak Dan an siam tur thu leh Mizoram chhungah Awareness nasa taka an pek bakah a Supply lokalna lamah pawh a tawp theih ngeina turin theihtawpin hma an la ang tih sawiin, hetiang lama hman tur hi UN leh Central-ah pawisa tam tak a awm a ni tih an hriat thu a sawi bawk. MNF President chuan retheite khaichhuahna turin sawrkar tuka thawh nghal tur hna an duan sa vek thu pawh sawiin, “Mipui hmasawnna thar piah lamah Pathian leh a Kohhran tana theihtawp chhuahin hma lak kan tum a, heng zawng zawngte tihhlawhtlin hi kan sawrkar chakna chhan leh kan tum ber pawh a ni,” a ti bawk.
He hunah hian MNF Election Campaign Directorate-a Chairman, R. Tlanghmingthanga chuan an sawrkar thar siam tur chu sawrkar kal tawha sawrkar ang ni ve mai lo, Pathian leh Mizoram tana hmasawnna thlen ngei tur anih dawn avangin nidang-a an la tih ngai loh, Candidate zawng zawngte Pathian kuta kawl tir chu \ul an tih thu a sawi a. “MNF chu Pathian leh Mizoram tana din kan nih avangin, kan rorel leh thil engkimah Pathian leh kan ram kan dah hmasa zel dawn a ni. Tuna kan chen lailawkna India hi Sakhaw tih bik nei lo Secular State ni mah se; MNF chu Kristian Sakhaw tan bika din a ni a, Milem betute nen nghawngkawl kan bat dun ve thei lo. Kan sawrkar veleh SEDP leh kan Manifesto hi kan thawh tur leh zirlaibu a ni ang. MNF sawrkar thar danglamna tur chu kan President zahawm takin a tawnhriat a\anga a duanchhuah angin Sawrkara thuneitu leh Party-a thuneitu kan awm dawn a. Sawrkar rintlak, Mizo mipuite tan mawhphur ngam leh mawhphur zo kan nei ngei dawn,” a ti bawk.
Nimin a he hun hman hi Election Campaign Directorate-a Vice Chairman, K. Vanlalauva chuan kaihruaiin MNF Candidate atana puante an kal kim vek a ni.

Popular posts from this blog

PAN CARD an tih teh fo hi - Laldinpuia