Larsap in ASI leh INTACH hotute a kawm

Nimin khan Raj Bhawan-ah Governor Kummanam Rajasekharan chuan Archaeological Survey of India (ASI) hotute leh INTACH Mizoram Chapter hruaitute a kawm a. He hunah hian Governor chuan ASI leh INTACH hotute chu Vangchhia hmuna Heritage Site chungchang leh hmalakna kal mek te a sawipui.

He hunah hian Dr. Sujeet Jain, Dy. Superintendent Archaeologist, Aizawl Circle chuan ASI leh INTACH thawhhona te bakah Vangchhia hmuna ASI hnathawhte a lem nen a sawifiah a, Archaeologist te zirna a\ang chuan Vangchhia khaw bula Heritage site ang te chu Mizoram hmun tam takah a awm a rinawn hle tih Dr. Sujeet chuan a sawi a. Hma la thei tur leh sulhnu hlui haichhuak tur erawh chuan Mizoram hmun \henkhat chu project site anga puan a ngai hmasa a ni, a ti. He hunah hian INTACH Mizoram Chapter hruaitute pawhin Mizote chanchin te sawiin, Vangchhe hmun tlawh turin Larsap hi an sawm bawk.