MNF Legislature Party leh Election Directorate Meeting

MNF Legislature Party leh Election Directorate te chu nimin khan \hukhawmin inthlanpui neih zawh tak leh an kal zel dan tur an sawiho.

Nimin a Aizawl Mizo Hnam Run-a MNF Legislature Party leh Election Directorate Meeting hi Election Directorate Vice Chairman, K. Vanlalauva chuan kaihruaiin he hunah hian MNF Legislature Party-a Deputy Leader, Tawnluia chuan MNF MLA te chuan Legislature Party an din tawh thu leh tun thla ni 15-ah sawrkar thar chu lakluh tum a nih thu a sawi a. “Kumin inthlanah result \ha tak kan neih chungchangah Zoram mipui hnenah lawmthu ka sawi a. Election Directorate-te nen thawhhona \ha tak kan neih chungchangah pawh lawmawm ka ti hle a ni,” a ti bawk.

He hunah hian MNF Election Directorate Chairman, R.Tlanghmingthanga pawhin th sawiin tun inthlana thawktu hrang hrangte \hahnemngaihna leh thawhhona \hat thuah lawmthu a sawi a. “MNF chuan kan hma a miten hna an lo thawh \hat chu kan malmak ve dawn lo a, kan chhunzawm ang. Chhunzawm mai ni lovin thil \ha an lo malmak tawh pawh kan thar thawh leh ang,” a ti a. “A hmaa kan sawrkar kha chuan kan tih tur ngaihtuah chawpin term khat chu a ral mai a. Tunah erawh chuan Dr. R. Lalthangliana hovin mithiam rual ten sawrkar tuka tih nghal tur SEDP kan duang sa vek tawh a ni. Party leh Legislature \ha taka inzawmna neih hi kan kalphung tur a ni. Kan kal dan turah Pathian kan dah pawimawh hmasa ber dawn a. Mizo Nationalism hi \ha takin kan kalpui ang a, kan sawrkar reng dawn a ni,” a ti bawk.