'Naupangte Ni’ pualin Mizoram Larsap in Zirlai naupangte Raj Bhawan-ah a kawm

Nimin khan India Prime Minister hmasa ber, Pandit Jawaharlal Nehru piancham denchhenin 'Naupangte Ni' hman niin Aizawl-ah chuan Larsap in Raj Bhawan Multipurpose Hall-ah sikul naupangte nen inkawmna hun a buatsaih.
'Naupangte Ni' puala inkhawm ah hian Larsap chuan Mizoram chhunga naupang zawng zawngte chu duhsakna chibai a buk a. He ni puala thuchah sawiin Larsap chuan Naupan lai chuan suangtuahna hrang hrang leh puitlin huna nih tum hrang hrangten rilru a luah khat \hin tih a sawi a. Mi hlawhtling ni tur chuan ngaihtuah tam a ngai a. Naupang lai a\angin suangtuahna ropui tak tak leh tum sang tak tak neih a pawimawh hle a ni, a ti. Larsap chuan, “Zirlai hun hi hman thiam a ngai a. |an lak hun a nih angin rim taka hnathawk \hin te chu mi puitling, mi hlawhtling tak tak te an \hin a. Mi hlawhchham te hi kan belhchian chuan harsatna paltlang ngamlo te, vawihnih khat tihfuh loh avanga beidawng \hin te leh an thil tum sawi hnawm sak \hintute awka ngai thu taka thutlukna fuhlo tak siam \hintute an ni tlangpui a ni,” a ti a. Naupangte Ni pual hian naupang zawng zawngte chu nungchang mawi, hriselna, zirna ngai pawimawh tur leh humhalhtu rilru pu tel turin a chah bawk.
Children's Day 2018 puala naupangte leh Governor inkawmna hunah hian Aizawl khawpui chhunga Sawrkar Middle Sikul 10 a\angin zirlaite an tel a, School tin aiawhte chuan Larsap hi zawhna pakhat \heuh zawtin Larsap chuan a chhang a. Larsap chuan Mizoram leh Kerela chu a ram hmelhmangte pawh a inang hle a, a chhunga chengte an inngaitlawmin an ngainatawm hle a ni, a ti a. Lehkha a zirlai chuan Mathematics subject a thiam theih \hin thu sawiin, Zirna bakah tualchhung, State chhung leh ramchhung thil thlengte, mipuiin enge an duh tih te, mipuiin enge an mamawh tih te chanchinbu leh magazine a\anga hriat tum ve \hin te a \angkai tih a sawi a. Sikul naupang tan pawh chanchinbu chhiar tam a pawimawh hle a ni, a ti. Mizoram-ah zirna sikul tam takah Science zir theihna a awm tam a pawimawh hle a ni tih a sawi a; Science subject-ah naupangte chawhphur chu Mizoram Education Department thuneitute chuan ngai pawimawh leh zual se a \ha hle ang, a ti a. |halaite leh chhungkaw intihhlimna atan Cinema Hall te Mizoram-ah pakhatmah a awm lo chu pawi a tih thu sawiin, Mizoram chu Film Industry dinna hmun atana hmun remchang ber pawl a ni, a ti bawk.
Children's Day 2018 chhimtute pual hian Governor chuan thingpui ruai buatsaihin Governor chuan Sikul naupangte, Zirtirtute leh Education official te chu Raj Bhavan chhung hmun hrang hrang te tlawh kual turin a sawm nghal bawk.

Popular posts from this blog

PAN CARD an tih teh fo hi - Laldinpuia