Latest News

MUP ten EVM leh VVPAT an zirho

Systematic Voters Education and Electoral Participation (SVEEP) hmalakna kal zelah nimin khan Serchhip DC’s Conference Hall-ah Mizoram Upa Pawl (MUP) Serchhip Sub-Hqrs. member te chu Electronic Voting Machine (EVM) leh Voter Verifiable Paper Audit Trail (VVPAT) hman dan zirtir an ni.
He hun kaihruaitu,V. Lalduhzuala, Project Director DRDA Serchhip chuan SVEEP hmalakna kalpui tawh dan tlangpui sawiin, MUP te pawh programme an neihpui chhan a sawi a, India ram chu Democracy, mipuiten ram hruaitu kan thlanna ram a nih ang ngei a, khua leh tui ten kokim taka vote kan thlak a \ulzia te sawiin, kuminah EVM bakah VVPAT kan hman dawn avangin a hman dan lo hriat bela lo nel hmasak chu a pawimawh thu a sawi a, e-District Office building-ah engtiklai pawha vote thlak chhin theih rengin EVM leh VVPAT te hi dah a nih thu a sawi bawk.
He hunah hian Ngurthansanga, SDC, Master Trainer chuan EVM hman dan leh VVPAT hnathawh dan te a taka entirin a hrilhfiah a. MUP member kalkhawmte hian a takin Vote hi an thlak chhin zui nghal a ni.

Comments

Popular News (Last 30 Days)