Serchhip-ah Congress in Vantlang Inkhawm an nei

NLUP kan sem chhunzawm zel dawn - Lal Thanhawla

Serchhip Block Congress Committee buatsaihin Inrinni khan Serchhip Bazar-ah Vantlang Inkhawmneih a ni a, he hunah hian Serchhip bial-a Congress Candidate, Lal Thanhawla leh an Party hruaitu dang ten thu sawiin Lal Thanhawla chuan NLUP chu sem chhunzawm zel a nih dawn thu a sawi.

Mizoram Peoples Forum (MPF) Serchhip kaihhruaia Vantlang Inkhawm Serchhip Bazar-a neih ah hian Serchhip biala Congress Candidate leh MPCC President, Lal Thanhawla chuan Congress Party chuan ‘Kan ti ang’ an tih chu an ti \hin tih sawiin, Mizoram-ah remna leh muanna a awm theih nana hma an lo lak tawh dan te, chumi hnuah Rangva Inchung mamawhte tan Rangva an sem leh dan leh mirethei leirem rahna atan NLUP an sem thu te a sawi a. NLUP chu Pathian lam\ang nia sawiin, Party hrang hrangte chuan tihtawp tumin hma la \hin mah se an la hlawhchham zel thu leh High Court-ah te hial khing mah se hnehna an la chan zel thu a sawi a. NLUP chu Congress sawrkar-ah sem chhunzawm zel a nih dawn thu pawh sawiin, a dawng tawh te zingah engemaw avanga la hlawhtlinpui theilo, rahbi tuk sak ngai te pawh la tuk sak zel an nih dawn thu leh a sum pawh sum hlutna anga tihsan ve zel a nih dawn thu a sawi a. NLUP \anpuina chu taimakna, tumruhna, tih tak takna leh Pathian \ihna nung nena kalpuite chuan an hlawhtlin pui mek zel tih a sawi a. Serchhip Bial chu \um 7 zet amah lo thlangtling tawhtu an nih thu sawiin, an chungah a lawm thu leh a \um riatna atana tling leh tura an Vote hlu tak pe leh \heuh turin a sawm bawk.
He hunah hian MPCC Secretary leh Minister ni mek, PC. Lalthanliana pawhin thu sawiin MPCC President, Lal Thanhawla’n Serchhip bial a enkawl chhungin hmasawnna tam tak a thlen thu a sawi a, tunhnaia an Party hruaitu \henkhat ten MNF an zawm chu MNF in nasa taka an phur phah thu leh an MLA neihsa zatve ngawt a nih avangin phur phah awm tak a nih thu a sawi a. Amaherawh chu he an phurhna hian rei a daihloh thu leh tunah chuan an boruak pawh a daih leh tawh thu sawiin, Congress Party-ah erawh phurhna nasa tak a awm phah thu a sawi bawk. 
MPCC Star Campaigner, PC. Zoram Sangliana, MLA pawhin he hunah hian thu sawiin Serchhi bial in Lal Thanhawla alo thlantlin tawh \hin avangin he ram leh Hnam hian malsawmna tam tak alo dawn tawh thu sawiin, Congress Party chuan remna leh muanna te thlenin Rangva te a sem bakah NLUP te pawh chak taka kalpui a nih thu a sawi bawk. He hunah hian Serchhip Block Congress Committee President, PC. Vanlalsawma chuan inlawmna thu sawiin NSUI (MZ) Hqrs. President, RB. Lalmalsawma pawhin thu a sawi bawk.

Popular posts from this blog

PAN CARD an tih teh fo hi - Laldinpuia