Nomination Paper hnawl awmlo

Assembly inthlanpui neih tura Serchhhip District chhunga inthlan chuh tum zingah Nomination Paper hnawl an awm lo.

Assembly inthlanpui nei tura inbuatsaihna kal mekah Assembly inthlanpui chuh tura hming pekluhna hun khar a nih hnuah nimin khan heng inthlanna chuh tuma Nomination Paper thehluh te chu bial tina Retur-ning Officer te kaihhruaina hnuaiah enfiah a ni a. Serchhip District chhunga Assembly bial pathum chuh tura Nomination Paper lut 19 te zingah hnawl a awmlo nia thudawn a ni.

Hetianga Nomination Paper hnawl a awm takloh avang hian Serchhip District chhunga in-thlanna neih turah Candidate 19 an awm ta a, amah-erawh chu chhan hrang hrang engmaw avanga inhnukdawk duh te tan tunkar Nilaini, Nov. 14, 2018 tlai dar 3:00 thleng hun hawn leh a ni dawn a, Vote thlak ni tura ruat November ni 28-ah zing dar 7:00 a\anga tlai dar 4 thleng vote thlak a ni ang a, vote tla te chu December ni 11-ah chhiar a ni ang a, inthlanna hi a pumpuiin December ni 13-a zawhfel hman tura ruahman a ni a, tuna sawrkar dinglai term hi December ni 15-a tawp tur a ni. Hetihlai hian he inthlanna a duty turte tan tunkar Zirtawpni a\ang khian Postal Ballot hmangin Vote thlak theih a ni dawn bawk a ni.