MNF-a sawrkar chuan New Education Policy siamin Zirna ah kawl a eng thar leh dawn - Dr. Thangtea

MNF Vice President Dr R Lalthangliana chuan MNF in sawrkarna an chan chuan Mizoram in Education-a harsatna kan tawh zawng zawng chinfelna turin New Education Policy an siam dawn thu sawiin, "MNF hi a sawrkar chuan Zirna-ah hian kawl a eng thar leh dawn a ni," a ti.

Nimin a Tuirial East MNF Block Conference Bukpui khuaa Khawkunga Hall-a neih a hmanpuina ah he thu hi sawiin Dr. R. Lalthangliana chuan SSA leh RMS hnuaia thawkte dinhmun derthawng taka awm mekte chu MNF sawrkar tharah chuan an ngaihtuah dawntih sawiin, “MNF Sawrkar lai khan Zirna in nasa takin hma a sawn a, Zirtirtu tam tak lak belh an ni a, Zirlai sing chuang hnenah a thlawnin zirlaibu leh uniform kan sem a, Sikul building tam tak kan sa bawk. MNF sawrkarah khan Zirtirtu hlawh lak theihloh a awm ve ngai lo.Vawiin ni-a Mizoram in Education-a harsatna kan tawh zawng zawng chinfelna turin New Education policy kan siam dawn a, Chu chu SEDP-ah a awm vek a ni. MNF hi a sawrkar chuan Zirnaah hian kawl a eng thar leh dawn a ni,” a ti.
MNF Vice President, Dr. R. Lalthangliana chuan SEDP chungchang sawiin, “SEDP hmangin ruahmanna mumal tak project base-in khawvel mithiamte remhriatna hmangin kalpui a ni anga, |halai lehkhathiam, Professional Course zo tawhte tan bik Entrepreneurship devolopment atan din chhuahpui tham sum ruahman a ni ang. SEDP atan hian Mizoram budget pawnlam a\angin sum lakluhna tak tak duansa thlap a ni a, Kuthnathawktu te dinchhuah ngei ngeina tham sum ruahmansak an ni dawn a ni,” a ti bawk.
Mizoram State Assembly inthlanpui lo awm turah MNF boruak a \hat thu pawh he hunah hian Dr. R. Lalthangliana chuan sawiin, “Congress hruaitu lawk tam tak an lo lut a, MLA nilaite nen lam MNF an zawm ruih ruih a, Zoram dung leh vangah MNF boruak a \ha hle a ni. Chuvangin MNF hian Pathian dah hmasa ber ila, Kan Bible in, ‘Inngaitlawma \awng\aia Lalpa kan zawn chuan, In ram ka tidam leh ang’ a tih ang khan Chapona dahboin tlawmna nun nen Pathian rinchhanin MNF wokers zawng zawngten hma i la ang u," a ti bawk.
MNF thuchhuah in a tarlan danin he hunah hian an Party zawm thar mi 675 lawmluh niin Zirtawpni khan mi 1512 lawmluh an ni tawh bawk a, tunhnaiah Tuirial bial a\ang hian mi 2187 an lawmlut tawh a ni.

Popular posts from this blog

PAN CARD an tih teh fo hi - Laldinpuia