Naktuk a\angin Para-Gliding intihsiakna nei dawn

Federation Aeronotique Internationale (FAI) hriatpui Category 2 Pre-World Cup Para-Gliding Accuracy Mizoram Open 2018 chu Dec. ni 4-8, 2018 chhungin Serchhip Chuan-hnuai ram ah neih a ni dawn ta.

He intihsiakna atan hian Mizoram Aero Sports Association (MASA) Gen Hqrs. Aizawl leh MASA Sub-Hqrs. Serchhip hruaituten chak takin hma an la mek a. Naktuk Dec ni 4, 2018 (Thawhlehni) zan dar 6:00 hian Serchhip Auditorium-ah Opening Ceremony neih a ni anga, Dr. C. Vanlal-ramsanga IES, Secretary Planning, UD&PA chu khuallian a ni ang.

He tournament atan hian India ram hmun hrang hrang a\angin Pparaglider 100 chuang leh Foreign Pilot Korea, Japan, Indonesia, Iran, Columbia, Slovenia, Lithuania leh Luxembourg a\ang te in an rawn tel dawn a ni. Expert Pilot, FAI Category 1 Judge te, Paragliding Accuracy World Cup, Asian Region-a Technical Represent te leh Indian No. 1 Pilot ten an rawn ho ang. Hetiang khawvel huap inelna lian tham hi Mizoram in a vawikhat thlenna tur leh India ram in a vawi hnih thlenna tur a ni. Expert Pilot te chuan Serchhip chuanhnuai ram hi India ram chhunga Paragliding tihna atan a \ha ber leh him ber, 99.99% a him a nih thu sawiin, Northeast a khualzin hip tu \ha ber la ni tur niin an sawi.

He intihsiakna a tel tur hian tunah hian khawvel ram hrang hrang a\angin he infiamna a tui mi \hahnem tak chuan Serchhip an rawn thleng tawh a, tunah hian inzirna neiin Chuanhnuai-a he intihsiakna neihna tur hmun a\ang hian nitin thlawkchhuak an awm tawh a ni.

He intihsiakna Serchhip in a thlen tur denchhen hian Inrinni khan Serchhip Sub-Hqrs. YMA chuan Town pum huap hnatlang kovin Serchhip Sailiamkawn a\anga Chuanhnuai leh Zawlpui lam panna kawng an thianfai a, mi \ha-hnem tak an thawkchhuak a ni.