MNF Party-in Party dangte chanchin chuanna pamphlet an sem mek hnukdawk turin hrilh an ni

Mizoram Chief Electoral Officer, Ashsish Kundra, IAS chuan a hun dik takah Mizoram mipuiin vote an thlak theihna turin sawrkar chuan theihtawp a chhuah mekna ah Political Party te pawhin an thlawp \hat a pawimawh thu sawiin, MNF Party-in Party dangte chanchin chuanna pamphlet an sem mek pawh hnukdawk turin a hrilh bawk.

Mizoram Chief Electoral Officer, Ashsish Kundra hian nimin khan Mizoram-a Political Party hrang hrang aiawhte chu State Media Centre, Secretariat Annex-I Building, Aizawl-ah kokhawmin Assembly inthlanpui neih tru atana an inbuatsaihna kalmek te a sawipui a. He hunah hian CEO chuan inthlan ni chu kar khat vel chauhin min dang tawh tih sawiin, chuvangin a hun dik takah Mizoram mipuiin vote an thlak theihna turin sawrkar in theihtawp a chhuah mekna ah political party-te pawhin an thlawp \hat a pawimawh hle a ni, a ti. Tuna state chhunga ruling party ni mekin sawrkar hnathawkte, sawrkar hmun leh hmanrua engmah an advantage tan hman phal a ni bik lo tih an hriat a ngai a tih thu sawiin, MNF Party-in Party dangte chanchin chuanna pamphlet an sem mek pawh hnukdawk tura hrilhin, hei hi Election lam chuan a ngaihmawh hle a, Danin a phut angin hmalak pawh a ngaih hmel thu a sawi bawk. Hei bakah hian CEO chuan ECI-in a phut angin Candidate tupawh Criminal Case lo nei tawh leh nei mekte chuan newspaper leh TV hmangin mipui hriatah an puangzar ngei ngei tur a ni tih sawiin, heng zawng zawng hi Campaign tawp ni, 26th November, 2018 (Thawh\anni) dar 4:00 PM hma ngeiin tihfel/zawm ngei tur a ni, a ti a. List of Counting Halls pawh ECI hnenah thawn ni tawh tih sawiin, nimin tlai lam khan an pawmpuina pawh dawn beisei a nih thu CEO chuan a sawi bawk.
Hei bakah hian Mizoram CEO chuan Bru voter-te vote thlakna tur hmun Kanhmun chu tunhnaia a tlawh thu sawiin Kanhmun mipuite chuan sawrkar hmalakna te lawm taka thlawpin, Polling Station sak hna pawh YMA-ten an pui mek thu a sawi a. Tripura-a Bru Camp-te pawh tlawhin inthlan ni-ah Kanhmun-ah an tan Polling Station tur sawrkarin a buatsaihah ngei vote rawn thlak turin a chah a. Kanhmun YMA Playground-ah Mamit District Constituency-a Bru voters tan Polling Station 9 siamsak a nih tur thu leh Kolasib District leh Lunglei District Constituency-a Bru voter-te tan Polling Station 3 ve ve Playground ep chiaha Indoor Badminton Stadium, Kanhmun-ah siam sak a nih tur thu a sawi.
Mizoram CEO Ashsish Kundra chuan Tripura Camp a\anga Kanhmun a vote thlak tura lo kal Bru voter-te tan vote thlak hun hi zing dar 7:00AM a\anga chawhnu dar 3:00PM thleng a ni dawn tih pawh sawiin, heng Polling Station-a officials duty turte pawh anmahni District a\ang \heuha chah chhuah an nih thu tur a sawi a. Kanhmun khuaa cheng sa voter-te tan a hmaa Polling Station awmsa ah bawk Vote thlak theih a nih dawn thu a sawi bawk.

Popular posts from this blog

PAN CARD an tih teh fo hi - Laldinpuia