Reiek khuaa hman Zofest vawi 8-na zawhfel a ni ta

Tunkar Thawhlehni a\anga Reiek khuaa Zofest hman chu nizan khan zawhfel a ni a. Nimin a Zofest hman chu Ebenezer Siami, MP Myanmar chuan khuallian nia hmanpuiin Mizoram Lok Sabha MP, CL. Ruala chuan Uaptu niin a hmanpui bawk.
Nimin a Zofest ni thumna hi MZP Vice President, B. Vanlaltana chuan kaihruaiin he huna khuallian Ebenezer Siami, MP Myanmar chuan, "International boundary zawng a ngaih-tuah chuan ram hran daih ni mah ila, ka inpui ngeia thu ka sawi thei hi ka lawm hle a ni, hei hian Ram in ri a nei a, Hnam chuan Ri a nei lo tih a entir a ni,” a ti a. “Keini Zofate hi kan chenna sawrkar ten 'Chin-Kuki- -Mizo' tiin min chhin-chhiah a, mahse chhinlung chhuak thlahtu hmun khat chhulkhat kual, unau piang hmun kan ni a, Zofate kan chenna apiang hi kan ram a ni. Ram \hendarh hrang hrangah cheng mah ila unau kan nihna a bo lo a, thlang tla hmasa leh hnuhnung kan awm mai zawk a ni,” a ti a. Kum 1970 hnu lam a\ang khan Burma ram chu Economics ah naša takin a tlachhia tih pawh sawiin, Chin mite Mizoram a ei leh bar zawnga lo tla thlate Mizo mipui ten duat tak leh dawhthei taka unau an nih hre renga an lo enkawlna ah lawmthu a sawi bawk.
He hunah hian Uaptu, C.L. Ruala MP (Lok Sabha) chuan, Zofest hian rah duhawm tak chhuahse a duh thu a sawi a. "Zofate kan insuih-khawm hun a nghahhlelhawm takzet a ni. Kan awmna apiangah rinawm takin hna thawk ila, kan chenna apiangah mi timangangtu niloin, mite \anpuitu i ni zel ang u,” a ti bawk.
Nimin a Zofest-ah hian Zofate khawvel hriata ti hming\ha tu- Lalremsiami Hockey Player leh Jeremy Lalrinnunga Weight Lifter te bakah Zofest lo pianchhuah theih nana thawhhlawk tak, Lalthuthlungliana, Ex-President Manipur MZP te chawimawina thuziak hlan an ni bawk.

Popular posts from this blog

PAN CARD an tih teh fo hi - Laldinpuia