MPF in inthlanna muanawm an beisei

Mizoram People Forum (MPF) chuan thawhhona \ha tak avangin inthlanna muanawm tak leh \ha tak kan nei thei dawn nia an hriat thu sawiin, lawmawm an tih thu an sawi.

Nimin-a Aizawl Press Club-a thuthar thehdarhtute an kawmna hunah MPF General Hqrs. hruaitute chuan MPF leh Political Party ten thawhhona thuthlung an siam te a hlawhtlin ngei theih nan Political Party te pawhin hma an la nia an hriat thu sawiin, hmun \henkhatah Thawhhona Thuthlung bawhchhiatna a lo awmin Party hruaitute hnenah thlenin anni pawhin an theih anga hma an lo lak \hin thu an sawi a. Hetianga thawhhona \ha tak avang hian inthlanna muanawm tak leh \ha tak kan nei thei dawn nia an hriat thu sawiin, lawmawm an tih thu an sawi a ni.

Hei bakah hian MPF hruaitute chuan Political Party te chu sum hmanga Vote lei lo tur te, Thawhhona Thuthlung-a an ziah angin mimal chungchâng leh tualchhûng thil chauh ni lovin, Party Policy leh Programme hi campaign-na leh inzawrhna atân hman ni se an tih chu a hlawhtlin ngei theih nana hma la tur te, sawrkar kal tawh ten thil \ha tih neilo anga insawi-chhiatna ringawt chu tihloh nise an duh thu te, leh invauna leh intih\haihna ang chi chu thlenglo se an duh thu an sawi a. Mipuite pawh sum leh pai leh therhlo hmanga lei theiha awm lo tura chahin, Election Model Code of Conduct leh Election dante palzut a, Thawhhona Thuthlung an siam ngei pawh pawisa lo tute hi chu kan ram tan an \hat pawh a rinawm loh thu sawiin, Inthlanna Thianghlim leh \ha kan lo neih theih nan leh thlamuang tak leh hlim taka kan inthlan theih nan Pathian hnenah nasa taka dil turin an chah bawk.