ZPM in NGO te hmalakna an thlawp thu an sawi

Zoram Peoples’ Movement (ZPM) chuan All NGO Coordination Committee in Mizo Hnatlangpui a koh hial ngaia kan hnam leh ram, Sakhuana thleng a ngaihtuahawm khawp a tluchhe mek chu pawi an tih thu nimin khan thuchhuah siamin an tarlang a.

He hmalakna hi ZPM chuan an thlawp thu sawiin, an hmalakna zel tur pawh an thlawp zel dawn tih an sawi. ZPM thuchhuah chuan Election Commission of India chu All NGO leh All Political Party te nena inremna an lo siam tawh chu palzut lo tura an phut thu tarlangin, “Mizote min thah vanga raltlan, Mizoram Sawrkar leh Party tinte, NGO zawng zawng te bakah, Central Sawrkar, Tripura Sawrkar leh Bru Displace Forum te nen ngei a inremna an lo siam tawh palzut a, Tuikuk Refugee te Mizoram pawn a Vote thlak tir tumna awm mek hi ZPM chuan \ha a ti lo a, An vote neihna hmun Poling Station \heuh ah chauh Vote thlak tir ni se, diklo taka Roll Revision kalpui a Election Official te hriatpuina ni miah lova Roll a thun te pawh ennawn leh anih loh chuan hman zui ni lo se tih hi ZPM duhdan a ni,” tiin Mizoram Home Secretary, Lalnunmawia Chuaungo laka diklo taka rorelna kalpui chu \ha an tihloh thu an sawi bawk.