Serchhip District-a BBBP kalpui dan leh kalpui zel dan tur sawiho a ni

/
Nimin khan Serchhip-ah District Task Force on Beti Bachao Beti Padhao (BBBP) chu Serchhip District Bawrhsap, Kumar Abhishek IAS hova thukhawmin BBBP chungchanga hmalakna hrang hrangte an thlirho.
He thutkhawm Serchhip DC Meeting Room-a neih ah hian District Bawrhsap, Kumar Abhishek chuan Serchhip District-ah BBBP Scheme kalpui ani chu lawmawm a tih thu sawiin, BBBP hi Central sawrkar hmalakna pawimawh tak a ni a, ho lam taka tih mai mai tur a ni lo tih a sawi a. Hna kan thawhna kawngah theuh pawh thahnemngai taka thawh a ngai a ni, a ti bawk.
He hunah hian BBBP-a Nodal Officer leh SDC, Denny Lalchhuanawma chuan BBBP hmalakna chungchang sawiin, Mizoram-ah chuan Serchhip leh Siaha District-ah BBBP hi kum 2018 atanga kalpui tan anih thu sawiin, kumtin BBBP hnuaia hmalakna tur hmachhawpte siam thin a nih thu a sawi a, chung an hmachhawpte chu tluang taka kalpui zel anih thu a sawi bawk.
Serchhip District-ah kum 2020-2021 chhunga BBBP hmalakna tura Annual Action Plan an siam tawh chu sawrkar laipui pawhin a pawmpui tawh tih he hunah hian tarlan niin, District Task Force Meeting-in a pawmpui tura chhawp chhuah a ni a, 1st Phase atan cheng nuai 25 leh 2nd Phase atan cheng nuai 25, a vaiin cheng nuai 50 chu Meeting hian a pawmpui nghal a ni. Hei bakah hian nikum June 24-a National Task Force Meeting in a lo rel tawh, BBBP Logo fiahfai tha tak sawrkar Pisa hrang hranga tarchhuah tura tih chu Programme Management Unit in an lo buatsaih anga sawrkar Pisa hrang hrangah tarchhuah tura tih a ni a. Heng bakah hian BBBP hmalakna tura thawhpui tur leh mawhphurtu tur ruat chhuah nise tih a ni a, Department kaihnawih te leh Programme Management Unit in hma an lo lak chhunzawm anga, chawlhkar hnih chhungin an hmalak dan tur leh sum leh pai mamawh turte District Task Force Committee Chairman hnenah an theh lut leh ang.
He thutkhawm ah hian Women Welfare Officer, V. Lalruatsangi leh Mahila Shakti Kendra a Coordinator, VL. Remruatpuii bakah Task Force Member dangte an tel a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »