Electric Bill vangin mipui ten harsatna an tawk - MPCC

Mizoram Pradesh Congress Committee (MPCC) chuan COVID-19 vanga Mizoram mipui kan buai laiin Electric Bill mumal loh avangin chhungkaw tam takin harsatna an tawk mek tih an sawi.
Inrinni-a thuchhuah an siamah MPCC chuan Mizoram sawrkar chuan April 1, 2020 atangin Electric hman man nasa takin a tisang tih sawiin, Electric Bill a san rual hian Bill kal dik loh avangin chhungkaw tam takin Electric Bill cheng sang tam tak diklo takin an chawi phah tih an sawi a. Diklo taka Electric Bill tihsan a nih hnuah hian Mizoram sawrkarin Mizoram chhunga sum a dehchhuah nasa takin a pung nia sawiin, “Kum 2019 April & May-a a lakluh aiin kum 2020 April leh May thla a a lakluh hi cheng vaibelchhe 17 zetin a tam zawk tawh a ni,” an ti.
MPCC chuan sum thawhchhuahna tur kawng dang rek si lova MNF kaihhruai sawrkar in Electric Bill hmanga mipui a rawk chiam mai chu thalo an tih thu sawiin, hri len laiin mipui phur tih rih belh lo turin sawrkar chu an ngen bawk.

Comments

Chhiar Hlawhte