Govt. Serchhip College Music Video tlangzarh

/
Govt. Serchhip College in Music Video an siam hmasak ber, 'Kan chawi dawn e' tih chu nimin khan Govt. Serchhip College Principal, PC. Lalremsiama chuan a tlangzarh.
Govt. Serchhip College Music Video hmasa ber tlangzarhtu he College Principal, PC. Lalremsiama chuan he Music Video hmang hian Govt. Serchhip College-ah hian Mizoram pum tan zirna tha tak a awm a ni tih puanzar a nih a beisei thu sawiin, he Music Video a puitlin theihna tura thawktute zawng zawng chungah lawmthu a sawi a. Govt. Serchhip College chuan tunhma lamah chuan zirlai thiamlo zawkte khawmin tha zawka an lo chherchhuah thin thu sawiin, amaherawh chu tunah chuan zirlai thiamthei leh tha zawkte tan pawh belh tlak leh luhna tlak an ni tih an lantir tawh thu sawiin, hei vang hian Serchhip District mite tan pawh sum tam tak senga hmundang pan kher lovin helai hmun ah hian zirna tha tak a awm tih hriat a pawimawh thu a sawi a. Kumin ah hrileng avanga harsatna hrang hrang a awm thu sawiin, hei hi remchang ah hmangin zirlai naupang tam zawk ten Admission an tih theihna tura beihpui thlak an tum thu leh zirlai 600 tal nei tura tanlak an tum thu a sawi bawk.
Govt. Serchhip College-a Associate Prof., RL. Chhuanawma kaihhruai he hunah hian he Music Video a hla phuahtu, C. Lalramliana chuan Music Video thlirlawkna neiin he Music Video siam tur hian nikum August ni 16-ah JUBAL Recording Studio, Serchhip-ah aw (Voice) thunin kumin January 22-25 chhung khan an College Campus-ah hian Video Shooting nei zo vekin, Leitlang Pictures chuan video hi an buaipui thung a, kumin June 15 khan Music Video hi siam zovin nimin khan tlangzarh a ni ta a ni. He Music Video-ah hian zirlai 9 zaiin lamthiam te an tel bawk.
Nimin-a he Music Video tlangzarhna hunah hian he College-a thawkte leh zirlai hruaitute bakah SEDAL leh MJA member te an tel a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »