Tangkhang 13,081 haw tawh

Mizoram mi leh sa State pawn-a tangkhang rawn haw duh in hriattir zinga mi 13,081 chuan Mizoram an rawn thleng tawh.

Mizoram sawrkar in a din, Task Group on Migrant Workers & Stranded Travellers chhinchhiahna atanga a lan danin inkharkhipna kalpui a nih avanga Mizoram mi leh sa State pawn-a tangkhang rawn haw duh in hriattir zawng zawng hi mi  14,4011 niin heng zinga 13,081 te chuan Mizoram an rawn thleng tawh a, kawng-a thang mek mi 14 awmin rawn haw tur la chhinchhiah zat chu 1432 an ni. Tun thlenga Mizoram-a rawn haw zingah hian inkhung-hranna hun hmang zo tawh mi 12,098 awmin mi 946 te chu khunghranna hmunah an la awm mek a, mi 37 te chu an dinhmun la hriatchian loh niin report la dawn loh nia ngaih an ni.

Hetihlai hian Mizoram chhunga ram-dang mi tangkhang zingah an chenna ram/State lama haw tur mi 62 an la awm bawk a, heng te hi Myanmar-a haw tur mi 48 leh Assam-a haw tur mi 14 an ni.