MzSRLM hmalakna in Serchhip District-ah loneitute bungraw mamawh semchhuah a ni

Mizoram State Rural Livelihood Mission (MzSRLM) Serchhip District hmalakna in nimin khan Serchhip District chhung khaw 5-a Village Organisation (VO) te hnenah loneitute mamawh bungrua hrang hrang vailiam a ni. 
Heng bungrua te hi Mizoram State Rural Livelihood Mission (MzSRLM) hmalakna peng pakhat, Custom Hiring Center (CHC) a dah tur niin Serchhip BDO, Vanlalhmachhuana chuan Serchhip BDO Office atangin a vailiam a, heng bungrua vailiamna puala inkhawm tawi neih ah Serchhip BDO, Vanlalhmachhuana chuan heng hmanrua te hi tangkai takin loneitu ten an hman a beisei thu leh an thlai thar te man man zawka hralhchhuah a nih theihna tura tangkai taka an hman a beisei thu a sawi bawk.
Nimin-a heng bungrua vailiamna puala inkhawm tawi neih hi MzSRLM Serchhip District-a Livelihood Coordinator, Denis V. Lalhlimpuia chuan kaihruaiin tun tuma bungrua vailiam te hi Bungtlang North, Bungtlang South, Hualtu, Khawbel leh Ngentiang-a Village Organization (Self-Help Group intelkhawm) te hnen hlan tur niin heng VO te hi a hma lamin an mamawh thlan hmasak tir niin hemi ang hian Ngentiang VO hnenah Chainsaw; Hualtu VO hnenah Combine Rice Mill, Pot Hole Digger leh Mini Tiller; Khawbel VO hnenah Combine Rice Mill, Brush Cutter, Mini Tiller leh Knapsack Sprayer 5; Bungtlang South VO hnenah Combine Rice Mill leh Bungtlang North VO hnenah Combine Rice Mill, Chain saw, Weighing Balance leh Battery Operated Sprayer hlan an ni a. Heng an bungraw semchhuah zawng zawng hi a vaiin Rs. 4,68,500/- hu zet niin Serchhip Block chhunga khaw dangah pawh hmalakna hi kalpui zui zel tura ruahman a ni.

Comments

Chhiar Hlawhte