Latest News

Bazar-ah Mask sem leh

Serchhip District Bharat Scouts & Guides te chuan Inrinni zing khan Serchhip Bazar-a chaw-hmeh zuar te hnenah Mask semin Serchhip Police te hnenah Mask 50 an hlan bawk.
Serchhip District Bharat Scouts & Guides te hian tun-hnaiah Serchhip-a damdawi In pahnih leh Serchhip DC hnenah Mask 300 vel zet an hlan hnuah Serchhip Bazar building-a chawhmeh zuartute hnenah Mask hi 50 vel an semchhuak leh a, hei bakah hian Serchhip Police te hnenah Mask 50 hlan bawkin hei hi Dan bawhchhiaa khawlai-a hmai tuamna hmang lova chhuak Police in an man te hnenah sem tura ruahman a ni bawk.
Serchhip District Bharat Scouts & Guides te hian hetianga Mask an semna tur hian Officer leh mi tlawmngai ten sum leh pai an thawh thu sawiin, heng sum leh pai hmang hian puan-than te leiin Guides Captain ten tlawmngaia an thui leh thu an sawi a, an Mask sem chu miharsa zawk ten tangkai taka an hman an beisei thu an sawi bawk.

Comments

Popular News (Last 30 Days)