Minister in Sangha tui awp keuna hmun a tlawh

Fisheries Minister, K. Lalrinliana chuan Inrinni khan Kolasib atanga Bairabi panna kawng, Zero Point-a Sangha tui awpkeuna (Carp Hatchery Unit), ‘Little Galilee’ chu tlawhin Sangha chi tihkeu hmasak ber a en.
Little Galilee Carp Hatchery Unit a tlawhna ah hian Fisheries Minister chuan Sangha chi-a kan intodelh theih nana Fisheries Department chuan hma a lak thu sawiin, “Little Galilee Hatchery Unit bakah hian Lengpui, Tam Dil leh Zobawk-ah Sangha chi tihkeuna hmun ruahman a ni,” a ti a, “Heng hmun atangte hian hlawhtling takin sangha chi kan tikeu thei a nih chuan intodelhna kawnga hmasawnna ropui tak a ni dawn a ni,” tiin Pradhan Mantri Matsya Sampada Yojana (PMMSY) chu Sangha hmanga eizawngtute chawikanna atan hman tangkai a beisei thu a sawi bawk.
Little Galilee Carp Hatchery (Sangha tui awp keuna) hi April, 2019 khan Blue Revolution hnuaia bultan a ni a. July thla tir khan Katla, Rohu leh Grass Carp sangha chi hi chu a vawi khatna atan nuai 10 vel tihkeu niin, September thla-ah hralh chhuah theih tura beisei a ni a, kumin vek hian Sangha chi tikeu leh hman tur a hmalak mek a ni.

Comments

Chhiar Hlawhte