Mipui ten Doctor nghakhlel

Serchhip Thalai Pawl (STP) chuan Serchhip-a Doctor thar tur, Dr. Lalruatliana Pachuau in a hna thar a zawm hun tur Serchhip mipui ten nghakhlel takin an thlir reng tih an sawi.

Nimin a thuchhuah an siamah STP chuan Serchhip mipui tena kan mamawh tak mai, Serchhip damdawi In-a thawk tura Surgeon, Dr. Lalruatliana Pachuau, Serchhip fa hrin ngei mai Serchhip hmuna rawn dah tura Mizoram sawrkar in notification a tichhuak chu lawmawm an tih thu leh Mizoram sawrkar chungah an lawm thu an sawi a. Ser-chhip hian hun rei tak atang tawhin Surgeon kan neihloh avangin harsatna tam tak kan lo tawk tawh thin tih pawh sawiin, miharsa leh rethei tak tak ten Surgeon kan neihloh avangin harsa tak chunga hmunpui an pan a lo ngai tawh thin tih an sawi a. Heng harsatna kan tawh thin te hi sawrkar in Surgeon min pek takah chuan a kiang ngeia an rin thu tarlangin, “Kan Doctor thar tur Dr. Lalruatliana Pachuau hi Serchhip mipui ten kan lo lawm a, a hna thar a zawm hun tur hi Serchhip mipuiten nghakhlel takin kan thlir reng a ni,” an ti bawk.