I-Day hmanpuitu tur tifel

/
Thla thar August 15-a India Independence Day lo thleng tur chu Mizoram sawrkar-a Minister hrang hrang ten District khawpui tinah an hmanpui leh dawn a, Serchhip-ah Home Minister, Lalchamliana chu khuallian a ni ang.
Sawrkar in ruahmanna a siam dan chuan Chief Minister, Zoramthanga chuan Aizawl-ah hmanpuiin Dy. Chief Minister, Tawnluia chuan Khawzawl-ah a hmanpui anga, Health Minister, Dr. R. Lal-thangliana’n Hnahthial-ah hmanpuiin P&E Minister, R. Lalzirliana chuan Saitual-ah a hmanpui bawk anga; Agriculture Minister C. Lalrinsanga chuan Lunglei-ah a hmanpui bawk ang.
Heng bakah hian Kolasib-ah Supply Minister K. Lalrinliana chuan hmanpuiin Lawng-tlai-ah School Education Minister Lalchhan-dama Ralte in a hmanpui anga, Mamit-ah RD Minister, Lalruatkima chuan hmanpuiin Siaha-ah Social Welfare Minister Dr. K. Beichhua leh Champhai-ah Law & Judicial Minister TJ. Lalnuntluanga ten an hmanpui ang.
Hei bakah hian Thenzawl tihloh Civil Sub-Division thuthmun ah te chuan SDO (Civil) ten Hnam puanzar an pawtparh anga, Thenzawl ah hian Sports Minister, Robert Romawia Royte chuan a hmanpui dawn bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »