COVID-19 hri kai hmuhchhuah nuai 14 tling ta

India rama COVID-19 hri kai hmuhchhuah chu nuai 14 an chuang ta a, darkar 24 kalta chhung khan hri kai hmuhchhuah thar sing nga dawn an awm leh a ni.
Ministry of Health & Family Welfare chhinchhiah danin darkar 24 kalta chhung khan India ramah Sample 5,15,472 enfiah leh niin heng atang hian hri kai 49,931 zet hmuhchhuah leh a ni a, heng te nen hian India rama hri kai hmuhchhuah zat chu 14,35,453 zet an tling tawh a ni. India ramah hian darkar 24 kalta chhung khan hri kai 31,991 te chu enkawl dam ni lehin heng te nen hian hri kai enkawl dam hi 9,17,567 an tling tawh a, hei hi hri kai hmuhchhuah zawng zawng atanga chhutin zaa 63.92 an tling tawh a, tunah hian hri kai enkawllai 4,85,114 an la awm bawk a. Hri kai enkawllai aiin enkawl dam hi 4,32,453 in an tam zawk a ni. Hri kai hmuhchhuah zingah hian darkar 24 kalta chhung khan nunna chan mi 708 an awm leh a, heng te nen hian hri kai zinga nunna chan chu 32,771 tling tawhin hri kai hmuchhuah atanga chutin zaa 2.28 an tling tawh bawk a ni.

Comments

Chhiar Hlawhte