HSLC leh HSSLC Exam-a Topper te hnenah Chief Minister's Award hlan an ni

/
Kumin-a pawl 10 High School Leaving Certificate (HSLC) leh pawl 12, Higher Secondary School Leaving Certificate (HSSLC) Exam-a titha (Topper)te hnenah nimin khan ‘Chief Minister's Award’ hlan an ni a, he hunah hian Chief Minister, Zoramthanga chuan zirlaite chu mahni talent theuh hmang tangkai zel turin a chah a ni.

School Education Department Conference Hall-a Chief Minister's Award hlanna hunah hian Chief Minister, Zoramthanga chuan HSLC leh HSSLC Topper-te chu a lawmpui thu hrilh in, an taimakna rah an hmu tih a sawi a. Mihring nunah, a bik takin zirlai te zingah mihring taimakna leh tumruhna hian thil a tih theihzia hriat thar a pawimawh tih sawiin Chief Minister chuan, “Mihring rilru/ngaihtuahna leh tha hian kan beisei leh hriatthiam phak bakin thil a ti thei a; thei nia kan inhriat tlat chuan hlawhtlinna kan chang thei thin a ni,” tiin zirlaite chu taimak thlah lo turin leh tumah beidawng lovin an kalna zel turah theihtawp chhuah zel turin a chah a. Mahni talent theuh hmang tangkai zel tura zirlaite chu a chah bawk.
Nimin-a zirlai tithate chawimawina inkhawm-ah hian School Education Minister, Lalchhandama Ralte chuan hrileng avangin kumdang angin a lawmna huaihawt theih nilo mahse Topper chhuanawm tak tak, chawimawi phu tak takte tana hun tawi te tal hman a ni thei chu lawmawm a tih thu a sawi a. Hlawhtlinna changtute chu lawmpui thu leh an kal zelna tura hlawhtlinna an chan chhunzawm zel a duhsak thu a sawi bawk.
Chief Minister's Award hi HSLC (Pawl 10) leh HSSLC (Pawl 12) Exam-a Topper te hnenah hlan thin niin kumin hian HSLC-a Topper mi 3- Lalhlimpuii, Khatla; Simon Lalrem-siama Shangpliang, Ramhlun North leh Singo-khai Chozah, Chaltlang, St. Paul's HSS theuh bakah HSSLC (Arts)-a Topper Christina Lalchhandami, Tlangnuam (Greenland HSS) leh Lalhlimpuii, Darlawn (St. Joseph HSS); HSSLC (Commerce)-a Topper, Lalhriatpuia Ralte, Lunglei (Joseph HSS) leh HSSLC (Science)-a Topper, Lalremsiama Darchhun, Tanhril Venglai (St. Paul's HSS) te hnenah hlan a ni a, heng mi 7 te hnenah hian Citation leh pawisafai Rs. 50,000/- theuh a hlan a ni.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »