Adviser to Chief Minister in Serchhip rawn tlawh

/
Adviser to Chief Minister, C. Lalramzauva chuan nimin zing khan Serchhip P&E Veng-a Leisekawt Mual laihzauh tlawhin Serchhip Bazar-a Vantlang inthiarna siam chu a hawng bawk.
Adviser to Chief Minister, C. Lalramzauva hian niminpiah khan Serchhip rawn thlengin nizan hmasa a Serchhip-a a riah hnuah nimin zing khan Serchhip P&E Veng-a Leisekawt Mual laihzauh chu tlawhin, he mual laihzauh a nih avanga lei-vung paihna tur leh Mual dawlna tur atana lungrem mek te chu a enfiah a, P&E Veng kawngpui atanga Leisang kawr lama tuihawk paihna tur siam hna thawh zel dan tur pawh a en nghal bawk.
Hemi hnu hian Adviser to CM hian Serchhip-VII VC ten MGNREGS Material Component sum cheng nuai 5 hmanga Serchhip Bazar State Bank kawt-a Vantlang inthiarna an siam chu a hawng leh a, Bazar hmun lunlaia hetiang hmun remchang tak sak a ni chu lawm-awm a tih thu a sawi bawk. Vantlang inthiarna sak thar hi a chhawng niin kawng-an hi dawr atana luah theih niin a chung-ah a ruala mi pali inthiar theihna a awm a, kut silna dahin tui leh electric connection lak a nih bakah Water Cooler dah nghal a ni bawk.
C. Lalramzauva hian nimin zing vek khan MNF Party hruaitute kawmin nizan khan Serchhip-ah a riak leh a, Vawiin hian Thenzawl a pan leh dawn nia thudawn a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »