Latest News

MZI hruaitu thlanna nei

Mizo Zaimi Inzawmkhawm (MZI) Hqrs. Serchhip chuan nimin khan kum 2021-2022 chhunga an hruaitu tur thlanna MJA Serchhip District kaihhruaiin an nei a, President-ah Otto K. Lalchhuanawma (P&E Veng); Vice President-ah Lalramnghaka Kawlni (Tuikhuah Veng); Secretary-ah C. Zodinthara (Leisang Veng); Asst. Secretary-ah R. Lalrinfela (Bazar Veng); Treasurer-ah Lalnunsiami Khiangte (P&E Veng) leh Fin. Secretary-ah Johny Lalhruaitluanga (Venglai) te thlan an ni.

Tlawng Lui-a Lei dawh thar hawn a ni

Thenzawl leh Buarpui inkar, ADB Road-a Tlawng Lei, Steel D-Bow Trussed Girder Bridge dawh thar chu Zirtawpni tlai khan PWD Engineer-in-Chief, Er. K. Lalsawmvela MES chuan a hawng.
He Lei hi Serchhip leh Buarpui inkar kawng laihzauh leh siamthat hna Asian Development Bank loan hmanga NE States Road Investment Programme Scheme hmanga thawh mek chhunga mi a ni a. He hna Consultant hi MSV International Inc, USA te niin contractor chu M/s Tantia Construction Ltd, Kolkata an ni. He lei sei zawng hi meter 63 niin cheng vbc. 19.50 senga dawh a ni a. Thir ruhrel tha tak leh a chhuat concrete niin a lei thir rih zawng ringawt pawh hi Metric ton 250 a ni a. Lei-in a dawl zawh chin hi 70R IRC Class AA niin hei hi 100 MT a ni a. Lei Design-tute hi Blue Hill Engineering, Aizawl niin IIT Kharagpur ten an endik leh vek a ni.
Thenzawl to Buarpui inkar Tlawng Lei hlui hi tuilianin a lak hnuah, BRTF ten kum 1997 khan an dawh tha leh a, December 22, 2018 khan Rora phur lirthei in a zawh laiin a chim leh a, hemi hnu hian chak lehzuala Lei dawh hna hi thawkin hawn a ni ta a ni.

Comments

Chhiar Hlawhte