Rotary Club of Aizawl in thilpek an hlan

/
Rotary Club of Aizawl chuan COVID-19 dona atan an luanchhuahna kal zelah nimin khan Aizawl Police Station leh Aizawl Press Club tan Mask, Hand Sanitizer leh sumfai an hlan.
Aizawl Press Club-a hrileng laka himna tura hmanrua an hlannaah hian Rotary Club of Aizawl President kalchhuak ta, Er. N. Ranjit Singh chuan Rotary Club chuan COVID len tirh atangin kawng hrang hrangin a dona atan hma a la tih a sawi a. Vairengte District Level Task Force, SDPO leh Officer-In-Charge Office Vairengte ah Mask, Hand Sanitizer leh kut silfaina tur sahbawn engemawzat an pek tawh bakah an Volunteer-ten Assam Rifles, CRPF leh BSF duty-te hman turin Mask 2000 an thuisak mek tih a sawi bawk.
Tun tumah hian Aizawl PS leh Aizawl Press Club-ah Rotary Club-in a bik liau liaua Delhi-a an siamtir Hand Sanitizer bur 25, Mask 100 leh sumfai Rs. 5000 ve ve an hlan a. MJA President chuan Rotary Club of Aizawl-in Mizoram mipuite tana rawngbawlna hrang hrang an lo kalpui tawhte leh tun hrilenga hma an lakna te chu fakawm a tih thu a sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »