India-ah hri kai hmuhchhuah 7,76,296 an tling ta

Darkar 24 kalta chhung khan India ramah COVID-19 hri kai hmuhchhuah thar 24,879 an awm leh a, heng te nen hian hri kai hmuhchhuah zawng zawng chu 7,76,296 an tling tawh.

Ministry of Health & Family Welfare chhinchhiahna atanga a lan danin darkar 24 kalta chhung khan India ramah Sample 2,67,061 enfiah leh niin hri kai hmuhchhuah thar te nen hian hri kai hmuhchhuah 7,67,296 an tling ta a ni. Darkar 24 kalta chhung khan mi 19,547 te chu dam-ah puan an ni a, India rama hri kai enkawl dam hi 4,76,377 an tling tawh bawk a, hri kai zawng zawng atanga chhutin enkawl dam hi zaa 62.08 a tling ta a ni.

Tunah hian India ramah hri kai enkawllai 2,69,789 an awm mek a, enkawl mek aiin enkawl dam hi 2,06,588 in an tam zawk a ni. India ramah hian darkar 24 kalta chhung khan hri kai nunna chan mi 487 an la awm bawk a, heti hian India ramah hri kai nunna chan hi mi 21,129 tling tawh bawkin hei hi hri kai hmuhchhuah atangin zaa 2.75 an tling bawk a ni.