Deputy Speaker in ‘FLAM’ lehkhabu a tlangzarh

Assembly Deputy Speaker, Er. Lalrinawma chuan ‘FLAM’ (Former Legislators Association of Mizoram) lehkhabu tih lehkhabu, Deputy Speaker lo ni tawh, K.Sang Chhum ziah chu a Pisa-ah a tlangzarh.
He lehkhabu tlangzarhna hunah hian Er. Lalrinawma chuan Mizoram a MLA lo ni tawh infuankhawmna Forum tha tak, FLAM chanchin ziaktu leh FLAM Treasurer ni mek, K. Sang Chhum hnenah lawmthu sawiin, FLAM chu Political Party dah thaa MLA leh MP lo ni tawh ten ram tana thahnemngai a inepna leh indaidanna awm lova inlungrualna hnuaia ram hmasawn nana Forum an din pawimawh tak a nih thu a sawi.
Lehkhabu tlangzarh tak ‘FLAM’-ah hian FLAM-a lo in din dan leh a thiltum te, FLAM din tirh atanga OB leh Executive Member te, FLAM Member ni lai te leh boral tawh te tarlan a ni a. MLA Fund/LADS khawtlang leh mipui tana tangkai taka a lo pianchhuah theihnana hmalakna te, MPF (Mizo People Forum) a lo pianchhuah theihnana hmalakna te, North East State hrang hranga thalaite, zirlaite, hnathawktute harsatna leh tihduhdahna a kiam theihnana Commission din tura India President ngenna leh tih hlawhtlinnate leh thildangte ziah a ni. FLAM hi 1994 khan din a ni a, MLA leh MP lo ni tawh te leh an nupui pasal thihsan tawh te Member ni theiin an member zingah MLA lo ni tawh 77 leh MP 7 an boral tawh a, member 151 an awm mek a ni.

Comments

Chhiar Hlawhte