Bamboo Development chungchang sawihona nei

Nimin khan Chief Minister, Zoramthanga hovin Horticulture Department hotuten Chief Minister Office Cabinet Meeting Room-ah Bamboo Development hmalakna te thlirhovin hmalak zel dan tur an sawiho.
He Meeting-ah hian Bamboo Development atana hmalakna hmasa (Pilot Project) - Model Bamboo Plantation chungchang sawiho niin a tiak phai atanga chah chu nursery-ah Hardening tih laiin Lengpui leh Hmunpui-a beneficiary te chuan a phunna tur thlawhhma siam leh a khur laih bakah tul dangte tih zawh vek a nih hnuin tunah hian a tiak an phun vek tak thu sawi a ni. Heng an phun zawng zawng (Planting material) hi a vaiin 79,200 a ni. He Meeting-ah hian Rua chinna karah thlai dang chin tel (mixed cropping) tih tum chungchangah a chingtuten Rua thanna tur dip thei tur awm ang thlan loh a pawimawh thu sawi a ni bawk.
COVID-19 hrileng avanga thei leh thlai thartute leh a leitute inkara awlsam zawk leh hlawk zawka an indawr theihna tura inthlunzawmna, Fruit and Vegetable Supply Chain chungchang pawh he meeting ah hian sawi a ni a. Horticulture Department, Commerce and Industries Department leh MIZOFED te tanghova hmalakna hi chhunzawm zel la niin, June ni 19 atanga July ni 20, 2020 thleng khan thei leh thlai (Zikhlum, Tomato, Samtawk, Lakhuihthei, Theihai) trip 15 supply tawh a ni a. Heng atang hian Zoram khaw hrang hranga kut hnathawktute hnenah cheng nuai 21 chuang a lut hman a ni.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn