Thenzawl khua ah hri darh palh theih vangin Total Lockdown kalpui leh nghal a ni

Tunhnaia Lawngtlai District-a hri kai hmuhchhuah te chu Thenzawl khua ah chawl-a thil te an lei avangin nimin khan Serchhip District Bawrhsap, Dr. Kumar Abhishek hovin hri darh thei laka hmalak dan tur Serchhip-ah sawiho a ni a, Thenzawl khua ah hian karleh Thawhtanni thleng atan Total Lockdown kalpui nghal a ni.

Thudawn danin Inrinni-a ZMC Laboratory-a Sample enfiah zinga hri kai hmuhchhuah mi 2 te chuan thla hmasa, June 29 khan lirthei ke 2 nei hmangin Thenzawl khua hi an paltlang nia hriat niin Thenzawl-ah hian Restaurant pakhat-ah chawlin thil an ei bakah an dawr kawt-a thil zuar te pawh an dawr nia hriat a ni a, hetianga hri an kai tih hmuhchhuah a nih leh tak si avang hian nizan hmasa khan Thenzawl Town Level Task Force on COVID-19 chu \hukhawm nghalin mipuite ah hripui inkaidarhna a thlen hlauhthawn thilah leh inkaidarh lohna tur a nih beisei in Thenzawl khawchhungah Complete Lockdown puan nise tiin dawr leh sumdawnna hmun te pawh khar nghal turin an rel a. Nimin a\ang vek khan Task Force te pawh hmun hrang hrangah Duty nghalin heng Positive hmuhchhuah thar pahnih te hian sawrkar dan siam an bawhchhiat avang leh Thenzawl mipui thlabara an siam avangin thuneitu ten an chungah action an lak theihna turin FIR thehluh nise an ti bawk a ni.
Hetianga Thenzawl khua ah hri darh hlauhthawnna a awm avang hian nimin khan Serchhip District Bawrhsap leh District Level Task Force on COVID-19 Chairman, Kumar Abhishek hovin Health Department hotute leh Thenzawl Town Level Task Force on COVID-19 te chu Serchhip DC Meeting Room-ah \hukhawmin hmalak dan tur an sawiho a. He hunah hian Bawrhsap chuan Thenzawl khua ah boruak duhawmlo a thleng chu pawi a tih thu sawiin, sawrkar in ‘SOP on Social Distancing’ a duan chu \ha takin zawm nise chuan hetiang hi a thlen a rinloh thu a sawi a, tun hma zawng aia mipuite fimkhur a ngaih thu sawiin, thuneitute leh Medical lama thawkte chu tumah inthlahdah a thian loh thu a sawi a, mipuite chu a tu-a pawh fimkhur a sawrkar thuchhuak te zawm \ha tura chahin, tun hnuah chuan hetiang hi thleng tawhlo se a duhthu a sawi bawk.
He \hutkhawm ah hian Thenzawl Town Level Task Force hruaitute chuan Lawngtlai mi 2 te chu an fimkhur tawkloh avanga khawtlang an buai ta chu an dem thu sawiin, hemi hmalam pawh hian State pawn a\anga rawn haw, Motor chhiat avanga harsatna tawk te pawh ei leh in turte pe-a an lo buaipui tawh thu sawiin, tun \um ami te pawh hi anmahni \ha taka insawi nise thingpui dawr neitute pawhin dawr a chawlhtir lova a fun-a eitur an pek mai tur thu an sawi a. An motor hman, Two Wheeler-ah engmah chhinchhiahna tarlan anih loh avangin State pawn a\anga lo haw an nih leh nihloh an hriatloh thu te pawh an sawi bawk.
Hetianga hri len hlauhthawnna a awm avang hian heng mite chawlhna Thingpui dawr leh an dawr kawt-a thil zuar te chu tlawhpawh theihloh tura dah nghal an nih thu leh an Swab Sample te pawh enfiah tura lak nghal a nih thu he hunah hian tarlan a ni a, heng mite Swab Sample enfiahna result hi hriat a nih-a hri an kai tih la hriatloh mah se ni 14 tal khunghrang phawt turin ruahmanna siam a ni a, an bulhnai-a lo awm leh khawsa te chhui zuizel ala \ul avangin Thenzawl khawchhung ah Total Lockdown chu la kalpui chhunzawm rih nise tiin hemi atan hian nimin vek khan District Bawrhsap chuan Then-zawl Town chhungah July 13, 2010 thleng atan Total Lockdown a puang zui nghal a ni.
Nimin-a \hutkhawm ah hian District Bawrhsap leh SP, R. Sathiyasundaram IPS bakah Serchhip SDO (Sadar), Thenzawl SDO (Civil) leh DC Office-a Officer te bakah Health Department a\angin Serchhip CMO, District Medical Superintendent leh District Surveillance Officer te pawh an tel a ni.

Comments

Chhiar Hlawhte