Latest News

MZI hruaitu thlanna nei

Mizo Zaimi Inzawmkhawm (MZI) Hqrs. Serchhip chuan nimin khan kum 2021-2022 chhunga an hruaitu tur thlanna MJA Serchhip District kaihhruaiin an nei a, President-ah Otto K. Lalchhuanawma (P&E Veng); Vice President-ah Lalramnghaka Kawlni (Tuikhuah Veng); Secretary-ah C. Zodinthara (Leisang Veng); Asst. Secretary-ah R. Lalrinfela (Bazar Veng); Treasurer-ah Lalnunsiami Khiangte (P&E Veng) leh Fin. Secretary-ah Johny Lalhruaitluanga (Venglai) te thlan an ni.

Sum chawitirin hrem

Legal Metrology Enforcement Staff ten niminpiah a Serchhip-a eirawngbawlna Gas buk tlinglo an man chu a vaiin bur 130 niin Gas rawn phurtu hi pawisa chawitira hrem a ni.
Serchhip-a Legal Metrology hotute chuan niminpiah-a Serchhip-a Gas sem tur buk tlinglo an man te hi a vaiin bur 130 a ni tih an finfiah thu sawiin, heng te hi chawhrualin Kg. 2.10 velin a tlinglo tih an sawi a, a buk tlinglo nasa ber chu Kg. 6 vel zet-a a tlinloh thu an sawi bawk. Hemi kaihhnawih ah hian Gas phurtu hi Sec. 10 of LM Act 2009 hmangin Rs. 5000/- chawi tura tih a nih thu leh hotu sang zawk te hnena an thlen hnuah Gas buk a tlinlohna hi chhutchhuah niin Driver hi an chawi tir thu an sawi bawk.

Comments

Chhiar Hlawhte