Latest News

Vaccine pe chhunzawm dawn

 Serchhip District chhunga Health Care Workers te hnena COVID-19 Vaccine, Covishield pek hna thawh mek chu Inrinni leh Pathianni te chawlh anih hnuah Vawiin hian Vaccine pekna tura ruahman hmun thum-ah pek chhunzawm a ni leh dawn a, thudawn danin Serchhip District chhunga mi 450 te hri danna pek turah ni 2 chhung khan mi 306 te chu hri danna hi pek hman an ni a, Presbyterian English School leh Midland M/S-ah mi 121 ve ve te hri danna pek ni tawhin Thenzawl CHC-ah mi 64 te hnenah hri danna hipek an ni tawh bawk a ni.

Work Order pek sawifiah

Sports & Youth Services Department chuan thuchhuah siamin tunhnaia Mizoram State Sports Council hnuaia Work Order tihchhuah chu a sawifiah.
Hemi chungchanga SYS thuchhuah chuan Mizoram sawrkar chuan Sports Sector tih hma-sawnna atan theihtawpa tan a lak thu leh hmun hrang hranga Sports Infrastructure dinna atan kum kalta, 2019-2020 khan Finance Department in Sports & Youth Services Department hnenah cheng vbc. 8.25 a pek (allocate) thu leh hman phalna pawh pek a ni bawk tih an tarlang a.
He hnathawhna tur pawisa hi nikum (2019-2020)-a dah fel vek tawh, hmundanga hman rem tawh loh leh hemi atan chauha hman tur a nih avangin a nihna tur ang takin hman tura chhawpchhuah a ni tih pawh tarlangin, hei hi hna (works) chi hrang hrang 7 thawhna atan a nih thu leh Mizoram State Sports Council hnuaia thawh tur niin, hmanhmawh taka Furpui lo thlen hma ngeia bul tana, hunbi tuk chhung ngeia zawh tura ruahman a ni tih an tarlang a. Chuvangin, dan leh hrai (financial rules) zawmin Restricted Tender tih chhuah niin, thawktu tur thlang felin Work Order pawh tihchhuah a ni tih an tarlang

Comments

Chhiar Hlawhte