Latest News

WATSAN Committe training

PHE Serchhip WATSAN Division hnuaia WATSAN Committee te tana Training chu nimin khan Serchhip P&E Veng YMA Hall-ah neih leha zawhfel a ni a, he training-ah hian Serchhip Sub-Division huamchhunga WATSAN Committee Member te an tel a ni. Hemi hmalam hian East Lungdar Sub-Division huamchhung ami te tan East Lungdar-ah leh Tlungvel Sub-Division huamchhung ami te tan Tlungvel-ah te neih a ni tawh a ni.

CM Relief Fund-ah sum pe

Serchhip District Retailer Association te chuan COVID-19 hri leng dona atana a tul anga hman turin nimin khan CM Relief Fund-ah Rs. 25,000/- an hlan.
Serchhip District Retailer Association te hian nimin khan an President, Malsawmzuala hovin hri leng dona atana a tul anga hman turin Chief Minister Relief Fund hi an chhunglut a, he sum hi Serchhip DC Office-a SDC, Dr. Manesia Khaimeichho chuan a lo dawng a, hetianga hri leng dona atana mi inphal an la awm zel chu lawmawm a tih thu sawiin, Retailers Association te chungah lawmthu a sawi bawk.
Serchhip District Retailer Association hruaitute chuan tun dinhmunah Serchhip District-ah Retailers 100 an awm mek thu sawiin, an member te chu hrileng dona atan hian an rem-chan ang a sum leh pai thawhkhawm turin an in ngen thu an sawi a, heta an sum thawhkhawm Rs. 25,000/- chu CM Relief Fund-ah hian an hlan ta tih an sawi bawk.

Comments

Chhiar Hlawhte