Zirlai tithate hnenah 'STAM Proficiency Award' hlan

Science Teachers' Association of Mizoram (STAM) buatsaihin nimin khan HSLC leh HSSLC Exam rexult chhuaka Science leh Mathematics-a tithate hnenah 'STAM Proficiency Award' hlan an ni.
Directorate of School Education Conference Hall, Aizawl-a 'STAM Proficiency Award' hlanna ah hian High School Leaving Certificate Examination-2020 leh Higher Secondary School Leaving Certificate Examination-2020 a Science leh Mathematics subject-a mark hmu sang ber (Topper) te hnenah chawimawina hlan a ni a, pawisafai leh Memento pek an ni.
Nimin a chawimawina hlanna hunah hian 'Dr. C. Sawmliana Award for Science Topper' chu C. Vanlalruatfeli, St. Paul's HSS, Aizawl leh Lalrohlua, Synod HSS, Aizawl te hnenah hlan an ni a. 'Dr. H. Lalthlangliana Award for Mathematics Topper' chu Ankita Barua, St. Paul's HSS; Lalhlimpuii, St. Paul's HSS; Lalrempuii, Marian H/S Serchhip leh P. Lalrinsangi, Holy Faith School, Lunglei te hnenah hlan niin 'A. Sawihlira Award for Mathematics Topper' chu Suhail Ferdous Chowdhury, St. Paul's HSS, Aizawl hnenah hlan a ni bawk.
HSSLC-a Science leh Mathematics-a tithate chawimawina, 'ZET Award for Mathematics Topper' chu Rosangzuala Ralte Home Mission School, Aizawl leh Lalremsiama Dar-chhun, St. Paul's HSS, Aizawl hnenah hlan an ni a. 'A.Sawihlira Award for Physics Topper' chu Esther Lalbiaknungi, Baptist HSS Lunglei hnenah hlan niin 'Dr.Loncy V.Lalzarliana Award for Chemistry' chu Lalremsiama Darchhun, St. Paul's HSS, Aizawl hnenah hlan a ni a, 'Dr. Vanlalzara Award for Biology Topper' chu Lalrinawma Fanai, St. Joseph's HSS, Aizawl leh HC Angela Ngohie, Mt. Carmel School, Aizawl hnenah an hlan bawk.

Comments

Chhiar Hlawhte