Serchhip-ah Independence Day hman dan tur rel

Thla thar August 15-a India Independence Day lo thleng tur lawm dan tur ngaihtuahin nimin chawhnu khan Serchhip District Bawrhsap, Kumar Abhishek hovin sawrkar mi pawimawh te leh tlawmngai pawl an thukhawm a, kumin hian sawmbik te nen he Ni hi hman tur a ni ang. He thutkhawm hi District Bawrhsap, Kumar Abhishek chuan kaihruaiin kumin-a India Independence Day lawmna hi Mizoram sawrkar in ruahmanna a siam anga mi sawmbik te nen hman anih tur thu a sawi a, hri leng mek laka inveng fimkhur chungin, Social Distancing vawng tha leh a kal ten Mask vuak vek anih tur thu a sawi bawk.

Kumin a Independence Day lawmna hi DC’s Playgound Khawtetlang-ah hman tur a ni anga, Parade Contingent-ah Mizoram Sawrkar in zirlai naupangte tel a phalloh avangin Police leh Armed Force te bakah Parade Contingent dangte hi ruahmanna siam leh tur a ni a, Khual-lian tur hian Mizoram Sawrkar atanga ruat tur niin sawrkar chuan Home Minister, Lalchamliana chu a ruat tawh a, kumdang-a lo tih thin ang bawkin Serchhip-a Home hrang hrang ahte thilpek hlanna hun hman a ni leh dawn bawk a ni.