Latest News

Thenzawl-ah hri danna pe tan; ni 2 chhungin mi 306 te hri danna pe tawh

Serchhip District-a COVID-19 Vaccine pek mekah nimin khan Thenzawl CHC-ah hri danna hi pek tan ve leh a ni a, he hun hi Thenzawl SDO (C), Kulothungan A, IAS chuan hmanpuiin sawrkar ruahman anga Vaccine lak runpui India ramah kalpui a ni leh Thenzawl-ah pawh kalpui theih a ni chu lawmawm a tih thu sawiin, Vaccine chuan mipui himna a thlen ngei a beisei thu a sawi.

Dan bawhchhia man tam tawh

Mizoram-a The Mizoram (Containment and Prevention of Covid-19) Ordinance, 2020 hman tan, May 4, 2020 atanga nimin thleng khan Mizoram-ah he Dan bawhchhia hi mi 28,060 man an ni tawh a, heng mite pawisa chawi tlingkhawm pawh Rs. 50,57,500/- a tling tawh bawk a, Dan bawhchhia zingah hian Mask hmanglo an tam ber a ni.
Serchhip District-ah pawh he Dan bawhchhia hi mi 1804 man ni tawhin heng zinga 970 chu Police te man niin Flying Squad ten mi 777 an man tawh a, Task Force ten mi 57 manin heng mi man tawh te sum chawi chu Rs. 2,28,500/- a tling tawh a ni.

Comments

Chhiar Hlawhte