Result hriat chin negative

Niminpiah-a Serchhip District atanga Swab Sample thawn zinga 20 te chu hri lakah an him tih nemgheh niin Sample dang pathum result ngaih-chan mek a ni.

Serchhip CMO Office atanga thu kan dawn danin niminpiah-a Serchhip atanga ZMC Laboratory-a Swab Sample thawn 23 te chu enfiah nghal niin nizan hmasa-a result hriat hman 20 te zingah hri kai an awm lova, Sample dang pathum erawh result hriatloh zingah ala tel thung a ni.

Tun dinhmunah Serchhip District-ah inkhunghrang mi 55 an awm leh tawh a, heng te hi Sawrkar hmunhmaa inkhunghrang mi 27 bakah In lama inkhunghrang mi 28 te an ni a, mahni In lama inkhunghrang te hi Company hnuaia hna thawk tura State pawn atanga hnathawk tura Serchhip District-a rawn lut, anmahni hmun-hmaa inkhunghrang turte an ni.