India-ah hri kai 8,78,254 hmuhchhuah an ni tawh

Nimin thleng khan India ramah COVID-19 hri kai hmuhchhuah 8,78,254 tling tawhin mi 5,53,470 te chu enkawl dam an ni tawh.

Ministry of Health & Family Welfare chhinchhiahna atanga a lan danin darkar 24 kalta chhung khan India ramah Sample 2,19,103 enfiah niin heng atang hian hri kai hmuhchhuah thar 28,701 an awm a, nikhat thil thu-a hri kai hmuhchhuah tam ber tum a ni. Heng mite nen hian hri kai hmuhchhuah 8,78,254 an tling ta a ni. Hetihlai hian darkar 24 kalta chhung khan mi 18,850 te chu enkawl dam niin enkawl dam zawng zawng hi 5,53,470 an tling tawh bawk a, hei hi hri kai hmuhchhuah zawng zawng atangin zaa 63.01 an ni a, hri kai enkawllai 3,01,609 awmin hri kai enkawllai aiin enkawl dam hi 251,861 in an tam zawk a ni.

Tun thlengin hri kai hmuhchhuah zingah nunna chan mi 23,174 awm tawhin hei hi hri kai hmuhchhuah atangin zaa 2.63 an ni bawk. ICMR chhinchhiah danin India rama sample test tawh zawng zawng hi 1,18,06,256 a tling tawh bawk.

India ramah hian COVID-19 hri kai hi State leh UT 35-ah hmuh-chhuah an ni tawh a, hri kai zingah nunna chan awmna hi State leh UT 29-ah niin India hmarchhak State te zingah Assam-ah mi 35 thi tawhin Meghalaya leh Tripura-ah mi 2 an thi tawh a, State dang-ah nunna chan an la awmlo thung a ni.