Latest News

Health Secretary in hri dona a hmalakna a fak

Health Secretary, H.Lalengmawia chuan COVID-19 dona kawnga Champhai District hmalakna chu chhuanawm a tih thu a sawi.
Health Secretary hian Champhai District tlawhin nimin khan District Level Task Force te leh COVID-19 dona kawnga thawktu hrang hrang te thutkhawm a neihpui a, he hunah hian Champhai District chu ramri thui tak ven tur nei anihna laiah theihtawp chhuaha phunnawina leh lungawilohna thawm awm lova mawhphurhna te hlenchhuah a ni thin chuan an ze puitlin zia a entir a ni, a ti.
Health Secretary chuan hripui dona kawngah State sawrkarin theihtawp a chhuah thu sawiin, hripui lo thlen hma atang tawhin rang taka chet lak nghal vat a ni a, hmanraw hrang hrangte inchuhna karah rang taka ngaihtuah nghal zung zung a nih thu a sawi a. Indian Council of Medical Research (ICMR) inkaihhruaina ngaipawimawh chung zelin sawrkarin hma a lak thu leh District tinah mithiamte tirin, an thurawn zulzuiin Truenat Quattro RT-PCR dah vek tum a ni tih sawiin, Health Department hmalakna hrang hrangte pawh a tarlang bawk.

Comments

Popular News (Last 30 Days)