Chanchin thar thenkhat :
Dan anga hrem a ni dawn
Mizo Zirlai Pawl (MZP) General Hqrs. hruai-tute chuan MBSE hnuaia HSSLC result dik tawk lo awm chungchangah nimin khan MBSE Chairman, F. Lianhmingthanga leh Controller of Examination te MBSE Pisa-ah hmuin HSSLC result dik tawk lo chungchanga a mawhphurtu zawng chhuak tur leh dan anga hrem turin an ngen a. MBSE Chairman chuan MZP ngenna angin result dik tawklo chungchanga mawhphurtu leh ti diklotu chhuichhuaka dan anga hrem an nih tur thu a lo hrilh a ni.
MBSE Chairman F. Lianhmingthanga chuan HSSLC result chhuaka tihsual a tam chung-changah hian Enquiry Committee din a dawn a tih sawiin, inhnamhnawih zawng zawngte chu insawifiah tura tih an nih dawn bakah an lo tih thin dan angin Black List-ah dahin Exam reng reng khawih tawh lo tura hrem a ni dawn tih a sawi bawk.
Lirnghing tuar te tlawh zel
Chief Minister, Zoramthanga tirha East Tui-pui bial khaw hrang hranga lirnghinna khuate tlawha thang mek Sports Minister, Robert Romawia Royte, East Tuipui bialtu MLA Ramthanmawia leh Agriculture Development Board Vice Chairman, H. Biakzauva MLA te chuan East Tuipui bial an tlawh chhuanzawm zel a, Sports Minister hian nimin khan Thasiama Se No Neihna tlang-a leikhi chu a hmunah a en bakah a Team te nen Vaphai, Samthang, Dungtlang, Khawbung, Zawlsei leh Khuangthing te an tlawh nghal bawk.
Land Zoning kalpui dawn
Land Revenue & Survey Board chu nimin khan Revuenue Minister, Lalruatkima hova thu-khawmin ram leilung awmdan mumal zawka chhinchhiahna, Land Zoning chu kalpui a ni dawn tih Minister chuan a sawi a. He huna tarlan a nih danin Land Zoning Committee leh MIRSAC tangkawpin leilung te chu a hmanna tur hrang hrangah thendarhin hemi hmang hian thlai leh thing te a that duhna hmun te, kawng mumal taka siam theihna hmun turte a hriat theih dawn a ni.
Mizo Zirlai Pawl (MZP) General Hqrs. hruai-tute chuan MBSE hnuaia HSSLC result dik tawk lo awm chungchangah nimin khan MBSE Chairman, F. Lianhmingthanga leh Controller of Examination te MBSE Pisa-ah hmuin HSSLC result dik tawk lo chungchanga a mawhphurtu zawng chhuak tur leh dan anga hrem turin an ngen a. MBSE Chairman chuan MZP ngenna angin result dik tawklo chungchanga mawhphurtu leh ti diklotu chhuichhuaka dan anga hrem an nih tur thu a lo hrilh a ni.
MBSE Chairman F. Lianhmingthanga chuan HSSLC result chhuaka tihsual a tam chung-changah hian Enquiry Committee din a dawn a tih sawiin, inhnamhnawih zawng zawngte chu insawifiah tura tih an nih dawn bakah an lo tih thin dan angin Black List-ah dahin Exam reng reng khawih tawh lo tura hrem a ni dawn tih a sawi bawk.
Lirnghing tuar te tlawh zel
Chief Minister, Zoramthanga tirha East Tui-pui bial khaw hrang hranga lirnghinna khuate tlawha thang mek Sports Minister, Robert Romawia Royte, East Tuipui bialtu MLA Ramthanmawia leh Agriculture Development Board Vice Chairman, H. Biakzauva MLA te chuan East Tuipui bial an tlawh chhuanzawm zel a, Sports Minister hian nimin khan Thasiama Se No Neihna tlang-a leikhi chu a hmunah a en bakah a Team te nen Vaphai, Samthang, Dungtlang, Khawbung, Zawlsei leh Khuangthing te an tlawh nghal bawk.
Land Zoning kalpui dawn
Land Revenue & Survey Board chu nimin khan Revuenue Minister, Lalruatkima hova thu-khawmin ram leilung awmdan mumal zawka chhinchhiahna, Land Zoning chu kalpui a ni dawn tih Minister chuan a sawi a. He huna tarlan a nih danin Land Zoning Committee leh MIRSAC tangkawpin leilung te chu a hmanna tur hrang hrangah thendarhin hemi hmang hian thlai leh thing te a that duhna hmun te, kawng mumal taka siam theihna hmun turte a hriat theih dawn a ni.
Mizoram-a rawn haw tam
Kumin February 11-a Vairengte Screening point kaltlanga Mizoram mi leh sa rawn haw te chhinchhiah an nih hnuah Pathianni zan dar 9:00 thleng khan Mizoram-a rawn haw mi 4454 an awm tawh a, a tam ber chu Aizawl District mi niin mi 2047 an ni a, Siaha District in dawtin mi 548 an rawn haw tawh bakah Ser-chhip District mi 148 rawn haw an awm tawh bawk. Hemi chhung hian Mizoram lirthei lut 43,435 awmin mihring lut 92,389 an awm bawk.
MPCC in MP hlui an chhuang
MPCC Media Department chuan kum 2014 atanga Mizoram Rajya Sabha MP lo ni tawh, Ronald Sapa Tlau chu July ni 18, 2020 khan a term a lo tawp ta tih sawiin, Ronald Sapa Tlau hian Rajya Sabha MP a nih chhungin India ram hmasawnna tur mai piah lamah kan Mizoram leh hnam hmasawnna atan te, Kristian te tana pawi thei tur Citizenship Amendment Bill dodalnaah pawh theihtawp chhuahin, kan ram leh hnam tan huaisen takin a ding ngam thin tih an sawi a, an chhuan thu an sawi bawk.
Hri kai 168 dam tawh
Nimin khan Mizoram-ah COVID-19 hri kai enkawllai pakhat, DCHC Champhai-a enkawl chu hri laka a fihlim tak avangin chhuahtir a ni ve leh a, heti hian nimin tlai thleng khan Mizo-ram-ah COVID-19 hri kai hmuhchhuah mi 284 awm tawhin mi 168 te enkawl dam an ni a, mi 116 enkawl mek niin hri kai zingah nunna chan an awmlo thung.
Mizoram-a hri kai hmuhchhuah atangin enkawl dam hi zaa 59.15 niin hri kai enkawllai tam berna, Aizawl District-ah mi 77 enkawl mek an la ni a. Lunglei District-ah mi 16 leh Lawngtlai District-ah mi 13 enkawl lai la awmin Serchhip District-ah mi 4, Siaha District-ah 3, Champhai District-ah mi 2 leh Mamit District-ah mi 1 enkawl an la ni a, Hnahthial District-ah hri kai hmuh la awm lovin Kolasib, Khawzawl leh Saitual te nen hri kai enkawllai neilo District an la ni mek bawk a ni.
Mi 14,367 ten MR an Bill
Nikum October atanga kumin June thla thleng khan sawrkar hnathawk damlo MR Bill mi 14,367 an awm. Mizoram State Health Care Society (MSHCS) chhinchhiah danin hemi hun chhunga Sawrkar hnathawk MR bill pek chhuah mi 14,367 zinga mi 6,717 chu Mizoram chhunga enkawl niin mi 7650 te chu phai lama inenkawlte an ni a. Mizoram chhunga inenkawl mi 1376 te chu sawrkar damdawi In-a inenkawl niin, mi 7650 te chu Private damdawi In-a inenkawl niin sum a pekchhuah zat chu Rs. 28,34,78,901/- a ni.
Comments
Post a Comment