Samagra Shiksha hnuaia Zirlaibu sem tur Serchhip atangin vailiam a ni

Samagra Shiksha hnuaia Serchhip District chhunga Primary School leh Middle School zirlaite hnena a thlawna lehkhabu sem tur chu nimin khan Serchhip atangin Serchhip DEO leh Samagra Shiksha-a DPC, Zohmangaihi chuan a vailiam.
Free Text Book vailiamna hun tawi hi Samagra Shiksha Serchhip District Project Office (DPC) tual-ah neih niin Serchhip SDEO leh Samagra Shiksha Serchhip District-a Addl. DPC, Vanlalchhana chuan a kaihruai a, Serchhip District chhunga sawrkar Primary School 64 leh Middle School 60-ah zirlaibu hi a thlawna sem tur a ni tih a sawiin, kumtin-a zirlaite hnena a thlawna zirlaibu sem thin chu kumin-ah hripui leng vanga a hun taka an sem theih loh avanga pawi an tih thu a sawi a. Department lama an hotute nen a hma thei anga semchhuah a nih theih nan hma an lak thu leh hei hi a hlawhtlinna hmua semchhuah theih a ni ta chu an lawm hle tih a sawi a. Serchhip District chhunga Zirlaibu dawngtu zirlai zawng zawng ten tangkai taka an hmana an zirlai an chhunzawm theih a duh thu leh an semchhuah ang ang te kim taka an dawn theih an beisei thu a sawi bawk.
Hemi hnu hian Serchhip DEO leh Serchhip District Samagra Shiksha-a DPC, Zohmangaihi chuan zirlaibu sem chhuah phurtu lirthei te hi vailiamin khaw hrang hrangah phurhchhuah nghal a ni a. Kumin hian Zirlaibu hi Serchhip District chhunga Primary Schoolo 64-a zirlai naupang 1818 leh Middle School 60-a zirlai naupang 2485 ten dawng tura ruahman a ni. Zirlaibu vailiamna hunah hian Samagra Shiksha District Project Office-a thawktute leh thuthar lakhawmtu thenkhat an tel a ni.
Kumin hian Samagra Shiksha kaltlang hian Pawl 1 zirlaite hnenah Kumtluang (Mizo), Marigold (Eng), Maths Magic leh Maths Magic (English) te semin pawl 2 zirlaite hnenah Kumtluang (Mizo), Marigold (Eng), Maths Magic leh Maths Magic (English) te sem a ni ang. Pawl 3 zirlaite hnenah Kumtluang (Mizo), Marigold (Eng), Maths Magic, Maths Magic (English), Hawivelila tih leh Looking around te sem a ni ang. Pawl 4 zirlaite hnenah Kumtluang (Mizo), Marigold (Eng), Maths Magic, Maths Magic, Hawivelila tih leh Looking around te an sem anga, pawl 5 zirlaite hnenah Kumtluang (Mizo), Marigold (Eng), Maths Magic, Maths Magic, Hawivelila, Looking around leh Jyotir Maym te semin pawl 6 zirlaite hnenah Kumtluang, Honey Suckle, Science, Mathematics, The Earth our Habitat-Geography leh Whiz Kid te semin pawl 7 zirlaite hnenah Kumtluang, Honey Com, Science, Mathematics, Our Environment-Geography leh Whiz Kid te semin pawl 8 zirlaite hnenah Kumtluang, Honey Dew, Sciennce, Mathematics, Resource & Development-Geography leh Whiz Kid te sem a ni bawk ang.

Comments

Chhiar Hlawhte